อรรถกถาเล่มที่ ๑๕ ภาษาบาลี อักษรไทย
องฺ.อ. (มโนรถ.๒)
หน้าที่ ๓๖๔.

                       ๖. โอณโตณตสุตฺตวณฺณนา
     [๘๖] ฉฏฺเฐ โอณโตณโตติ อิทานิ นีโจ อายตึปิ นีโจ ภวิสฺสติ.
โอณตุณฺณโตติ อิทานิ นีโจ อายตึ อุจฺโจ ภวิสฺสติ. อุณฺณโตณโตติ อิทานิ อุจฺโจ
อายตึปิ นีโจ ภวิสฺสติ. อุณฺณตุณฺณโตติ อิทานิ อุจฺโจ อายตึปิ อุจฺโจ ภวิสฺสติ.
วิตฺถาโร ปน เนสํ ปุริมสุตฺตนเยเนว เวทิตพฺโพ.
                         ๗. ปุตฺตสุตฺตวณฺณนา
     [๘๗]   สตฺตเม สมณมจโลติ สมณอจโล, มกาโร ปทสนฺธิกโร, นิจฺจลสมโณติ
อตฺโถ. อิมินา สตฺตวิธมฺปิ เสขํ ทสฺเสติ. โสปิ สาสเน มูลชาตาย สทฺธาย
ปติฏฺฐิตตฺตา อจโล นาม. สมณปุณฺฑริโกติ ปุณฺฑริกสทิโส สมโณ. ปุณฺฑริกํ
นาม อูนสตปตฺตํ สโรรุหํ. อิมินา สุกฺขวิปสฺสกขีณาสวํ ทสฺเสติ. โส หิ
ฌานาภิญฺญานํ อภาเวน อปริปุณฺณคุณตฺตา สมณปุณฺฑริโก นาม โหติ. สมณปทุโมติ
ปทุมสทิโส สมโณ. ปทุมํ นาม ปริปุณฺณสตปตฺตํ สโรรุหํ. อิมินา อุภโตภาควิมุตฺตํ
ขีณาสวํ ทสฺเสติ. โส หิ  ฌานาภิญฺญานํ ภาเวน ปริปุณฺณคุณตฺตา สมณปทุโม
นาม โหติ. สมเณสุ สมณสุขุมาโลติ สพฺเพสุปิ เอเตสุ สมเณสุ สุขุมาลสมโณ
มุทุจิตฺตสรีโร กายิกเจตสิกทุกฺขรหิโต เอกนฺตสุขี. เอเตน อตฺตานญฺเจว อตฺตสทิเส
ทสฺเสติ.
     เอวํ มาติกํ นิกฺขิปิตฺวา อิทานิ ปฏิปาฏิยา วิภชนฺโตติ กถญฺจ ๑-
ภิกฺขเวติอาทิมาห. ตตฺถ เสโขติ สตฺตวิโธปิ เสโข. ปาฏิปโทติ ปฏิปนฺนโก. อนุตฺตรํ
โยคกฺเขมํ ปตฺถยมาโน วิหรตีติ อรหตฺตํ ปตฺถยนฺโต วิหรติ. มุทฺธาภิสิตฺตสฺสาติ
มุทฺธนิ อภิสิตฺตสฺส, ๒- กตาภิเสกสฺสาติ อตฺโถ. อาภิเสโกติ อภิเสกํ กาตุํ ยุตฺโต.
อนภิสิตฺโตติ น ตาว อภิสิตฺโต. มจลปฺปตฺโตติ รญฺโญ ขตฺติยสฺส มุทฺธาภิสิตฺตสฺส
@เชิงอรรถ: ๑ สี. กตโม จ     ๒ ฉ.ม. มุทฺธาวสิตฺตสฺสาติ มุทฺธนิ อวสิตฺตสฺส


เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๓๖๔.
http://84000.org/tipitaka/read/attha_page.php?book=15&page=364&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=15&A=8405&modeTY=2&pagebreak=1
http://84000.org/tipitaka/atthapali/th_line.php?B=15&A=8405&modeTY=2&pagebreak=1#p364