อรรถกถาเล่มที่ ๑๕ หน้าที่ ๓๗๑.

ทเมนฺโต ผรุเสน ทเมติ นาม, กาเลน กาลํ ตทุภยํ กโรนฺโต สณฺหผรุเสน ทเมติ นาม. ๒. ชวสุตฺตวณฺณนา [๑๑๒] ทุติเย อาชฺชเวนาติ อุชุกภาเวน. ชเวนาติ ปทเวเคน. ขนฺติยาติ อธิวาสนกฺขนฺติยา. โสรจฺเจนาติ สุจิภาวสีเลน. ปุคฺคลคุณงฺเคสุ ชเวนาติ าณชเวน. เสสเมตฺถ อุตฺตานตฺถเมว. ๓. ปโตทสุตฺตวณฺณนา [๑๑๓] ตติเย ปโตทจฺฉายนฺติ วิชฺฌนตฺถํ อุกฺขิตฺตสฺส ปโตทสฺส ฉายํ. สํวิชฺชตีติ "ชโว เม คเหตพฺโพ"ติ สลฺลกฺขณวเสน สํวิชฺชติ. สํเวคํ อาปชฺชตีติ สํเวคํ ^๑- ปฏิวิชฺฌติ. ^๒- โลมเวธวิทฺโธติ โลมกูเป ปโตทเวเธน วิทฺธมตฺโต. ธมฺมเวธวิทฺโธติ ฉวิจมฺมํ ฉินฺทนฺเตน ปโตทเวเธน วิทฺโธ. อฏฺิเวธวิทฺโธติ อฏฺึ ภินฺทนฺเตน เวเธน วิทฺโธ. กาเยนาติ นามกาเยน. ปรมสจฺจนฺติ นิพฺพานํ. สจฺฉิกโรตีติ ผุสติ. ^๓- ปญฺายาติ สห วิปสฺสนาย มคฺคปญฺาย. ๔. นาคสุตฺตวณฺณนา [๑๑๔] จตุตฺเถ อฏฺิกตฺวาติ อฏฺิโก หุตฺวา. ติณวนินฺนาทสทฺทานนฺติ เอตฺถ ติณโวติ เฑณฺฑิโม, ^๔- นินฺนาทสทฺโทติ สพฺเพสมฺปิ เอกโต มิสฺสิโต มหาสทฺโท. ฑํสาทีสุ ฑํสาติ ปิงฺคลมกฺขิกา, มกสาติ มกสาว. ขิปฺปญฺเว คนฺตา โหตีติ สีลสมาธิปญฺาวิมุตฺติวิมุตฺติาณทสฺสนานิ ปูเรตฺวา ขิปฺปเมว คนฺตา โหติ. @เชิงอรรถ: ^๑ สี.,อิ. เวคํ ^๒ ฉ.ม. ปฏิปชฺชติ @^๓ ฉ.ม. ปสฺสติ ^๔ ฉ.ม. ฑิณฺฑิโม

เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๓๗๑. http://84000.org/tipitaka/read/attha_page.php?book=15&page=371&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=8555&pagebreak=1 http://84000.org/tipitaka/atthapali/th_line.php?B=15&A=8555&pagebreak=1#p371