บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 15 : PALI ROMAN Aṅ.A. (manoratha.2) Page 372.
5. Ṭhānasuttavaṇṇanā [115] Pañcame ṭhānānīti kāraṇāni. Anatthāya saṃvattatīti ahitāya avuḍḍhiyā saṃvattati. Ettha ca paṭhamaṃ opātakkhaṇanamacchabandhanasandhicchedanādibhedaṃ sadukkhaṃ savighātaṃ pāpakammaṃ veditabbaṃ, dutiyaṃ sammājīvikānaṃ 1- gihīnaṃ pupphacchaḍḍakādi- kammaṃ sudhākoṭṭanagehacchādanaasuciṭṭhānasammajjanādikammañca veditabbaṃ, tatiyaṃ surāpānagandhavilepanamālāpilandhanādikammañceva assādavasena pavattaṃ pāṇātipātādi- kammañca veditabbaṃ, catutthaṃ dhammassavanatthāya gamanakāle suddhavatthacchādanamālā- gandhādīnaṃ ādāya gamanaṃ cetiyavandanaṃ bodhivandanaṃ madhuradhammakathāsavanaṃ pañcasīlasamā- dānanti evamādīsu somanassasampayuttaṃ kusalakammaṃ veditabbaṃ. Purisathāmeti purisassa ñāṇathāmasmiṃ. Sesadvayepi eseva nayo. 6. Appamādasuttavaṇṇanā [116] Chaṭṭhe yato khoti yadā kho. Samparāyikassāti desanāmattametaṃ, khīṇāsavo pana neva samparāyikassa, na diṭṭhadhammikassa maraṇassa bhāyati. So ca 2- idha adhippeto. Keci pana "sammādiṭṭhi bhāvitāti vacanato sotāpannaṃ ādiṃ katvā sabbehi ariyā adhippetā"ti vadanti. 7. Ārakkhasuttavaṇṇanā [117] Sattame attarūpenāti attano anurūpena anucchavikena, hitakāmenāti attho. Rajanīyesūti rāgassa paccayabhūtesu. Dhammesūti sabhāvesu, iṭṭhārammaṇesūti attho. Evaṃ sabbattha nayo veditabbo. Na chambhatīti 3- diṭṭhivasena na chambhati. Sesapadesupi eseva nayo. Na ca pana samaṇavacanahetupi gacchatīti samaṇānaṃ paravādīnaṃ na vacanahetupi @Footnote: 1 cha.Ma. samajīvikānaṃ 2 cha.Ma. sova @3 cha.Ma. na rajjatīti diṭṭhivasena na rajjatiThe Pali Atthakatha in Roman Character Volume 15 Page 372. http://84000.org/tipitaka/read/attha_page.php?book=15&page=372&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=8575&pagebreak=1 http://84000.org/tipitaka/atthapali/rm_line.php?B=15&A=8575&pagebreak=1#p372
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]