บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 15 : PALI ROMAN An.A. (manoratha.2) Page 376.
Avasavuttanatthena anattato. Ettha ca "aniccato palokato"ti dvihi padehi aniccalakkhanam kathitam, "sunnato anattato"ti dvihi anattalakkhanam, sesehi dukkhalakkhanam kathitanti veditabbam. Samanupassatiti nanena passati. Evam pancakkhandhe tilakkhanam aropetva passanto tayo magge tini phalani sacchikaroti. Suddhavasanam devanam sahabyatam upapajjatiti tattha thito catutthajjhanam bhavetva upapajjati. 5-6. Mettasuttadvayavannana [125-126] Pancame pathamajjhanavasena metta, dutiyadivasena karunadayo dassita. Chattham catutthe vuttanayeneva veditabbam. 7. Pathamatathagataacchariyasuttavannana [127] Sattame patubhavati patubhavena. Kucchim okkamatiti ettha kucchim okkanto hotiti attho. Okkante hi tasmim evam hoti, okkamamane. 1- Appamanoti vuddhippamano, vipuloti attho. Ularoti tasseva vevacanam. Devanam devanubhavanti ettha devanam appamananubhavo 2-:- nivatthavatthassa pabha dvadasayojanani pharati, tatha sarirassa, tatha vimanassa, tam atikkamitvati attho. Lokantarikati tinnam tinnam cakkavalanam antara ekeko lokantariko hoti, tinnam tinnam sakatacakkanam pattanam va annamannam ahacca thapitanam majjhe okaso viya. So pana lokantarikanirayo parimanato atthayojanasahassappamano hoti. Aghati niccavivata. Asamvutati hetthapi appatittha. Andhakarati tamabhuta. Andhakaratimisati cakkhuvinnanuppattinivaranato andhabhavakaranatimisaya samannagata. Tattha kira cakkhuvinnanam na jayati. Evammahiddhikananti candimasuriya kira ekappahareneva tisu dipesu pannayanti, evammahiddhika. Ekekaya disaya nava nava @Footnote: 1 cha.Ma. na okkamamane 2 cha.Ma. ayamanubhavoThe Pali Atthakatha in Roman Character Volume 15 Page 376. http://84000.org/tipitaka/read/attha_page.php?book=15&page=376&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=8661&modeTY=2&pagebreak=1 http://84000.org/tipitaka/atthapali/rm_line.php?B=15&A=8661&modeTY=2&pagebreak=1#p376
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]