"idheva bhante bhikkhu vivicceva kamehi .pe. Catuttham jhanam upasampajja viharati.
Idam bhante anussatitthanam evam bhavitam evam bahulikatam ditthadhammasukhaviharaya
samvattati"ti. Abbhanumodita hotiti tathagato viya yoniso abbhanumodita hoti.
Tathagato hi anandattherena panhe vissajjite "sadhu sadhu ananda, tenahi
tvam ananda imam 1- chattham anussatitthanam dharehi. Idhananda bhikkhu satova
abhikkamati satova patikkamati"tiadimaha. Chatthadini uttanatthaneva.
9. Khatasuttavannana
[9] Navame sukkapakkho pubbabhage dasahi 2- kusalakammapathehi paricchinno, upari
yava arahattamagga labbhati. Bahunca punnam pasavatiti ettha lokiyalokuttaramissakam
punnam kathitam.
10. Malasuttavannana
[10] Dasame dussilassa bhavo dussilyam, dussilyameva malam dussilyamalam.
Kenatthena malanti? anudahanatthena duggandhatthena kilitthakaranatthena ca. Tanhi nirayadisu
Apayesu anudahatiti anudahanatthenapi malam. Tena 3- samannagato puggalo matapitunampi
santike bhikkhusamghassapi antare bodhicetiyatthanesupi jigucchaniyo hoti,
sabbadisasu cassa "evarupam kira tena papakammam katan"ti avannagandho vayatiti
duggandhatthenapi malam. Tena samannagato puggalo gatagatatthane upatapanceva labhati,
kayakammadini cassa asucini honti apabhassaraniti 4- kilitthakaranatthenapi malam. Apica
tam devamanussasampattiyo ceva nibbanasampattim ca milapetiti milapanatthenapi malanti
veditabbam. Issamalamaccheramalesupi eseva nayo.
Balavaggo pathamo.
@Footnote: 1 cha.Ma.,i. imampi 2 cha.Ma.,i. dasahipi
@3 cha.Ma. tena ca 4 ka. aparayananiti
The Pali Atthakatha in Roman Character Volume 15 Page 81.
http://84000.org/tipitaka/read/attha_page.php?book=15&page=81&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=15&A=1787&modeTY=2&pagebreak=1
http://84000.org/tipitaka/atthapali/rm_line.php?B=15&A=1787&modeTY=2&pagebreak=1#p81
