ATTHAKATHA Book 16 : PALI ROMAN
Aṅ.A. (manoratha.3)
Page 92.

Ghoravisatāti ghoravisatāya. Sesadvayepi eseva nayo.
                        Dīghacārikavaggo tatiyo.
                        ----------------
                        24. 4. Āvāsikavagga
                        1. Āvāsikasuttavaṇṇanā
     [231] Catutthassa paṭhame na ākappasampannoti na samaṇākappena
sampanno. Abhāvanīyo hotīti vaḍḍhanīyo na hoti. Dutiyaṃ uttānameva.
                         3. Sobhanasuttavaṇṇanā
     [233] Tatiye paṭibaloti kāyabalena ca ñāṇabalena ca samannāgatattā
paṭibalo.
                        4. Bahūpakārasuttavaṇṇanā
     [234] Catutthe khaṇḍaphullanti patitaṭṭhānaṃ bhinnaṭṭhānañca. Paṭisaṅkharotīti
paṭipākatikaṃ karoti. Ārocetīti idaṃ parivāritakulānaṃ 1- vasena vuttaṃ.
                        5. Anukampasuttavaṇṇanā
     [235] Pañcame adhisīlesūti pañcasu sīlesu. Dhammadassane nivesatīti
catusaccadhammadassane patiṭṭhāpeti. Arahaggatanti sabbasakkārānaṃ arahe ratanattayeva
gataṃ, tīsu vatthūsu garucittīkāraṃ upaṭṭhapethāti attho. Chaṭṭhaṃ uttānameva.
                      7. Dutiyaavaṇṇārahasuttavaṇṇanā
     [237] Sattame āvāsapaligedhīti āvāsaṃ balavagiddhivasena gilitvā viya ṭhito.
Sesaṃ sabbaṃ uttānamevāti.
              Āvāsikavaggo catuttho.
@Footnote: 1 cha.Ma. pavāritakulānaṃ


The Pali Atthakatha in Roman Character Volume 16 Page 92.
http://84000.org/tipitaka/read/attha_page.php?book=16&page=92&pages=1&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=16&A=2050&pagebreak=1
http://84000.org/tipitaka/atthapali/rm_line.php?B=16&A=2050&pagebreak=1#p92