อรรถกถาเล่มที่ ๑๖ ภาษาบาลี อักษรไทย
องฺ.อ. (มโนรถ.๓)
หน้าที่ ๑๒๐.

ปฏิปฺปณาเมตฺวาติ ปนุทิตฺวา ๑- วิสฺสชฺเชตฺวา. อุจฺจารปสฺสาวกมฺมายาติ อุจฺจาร-
ปสฺสาวกรณตฺถาย. อิมินา เอตฺตเกน ฐาเนน สตฺถารา อรญฺญเสนาสนสฺส
วณฺโณ กถิโต. สุตฺตสฺส ปน ปฐมโกฏฺฐาเส ยํ วตฺตพฺพํ, ตํ เหฏฺฐา วุตฺตเมวาติ.
                      เสขปริหานิยวคฺโค จตุตฺโถ.
                       ------------------
                           ๕. ธมฺมิกวคฺค
                         ๑. นาคสุตฺตวณฺณนา
     [๔๓] ปญฺจมสฺส ปฐเม อายสฺมตา อานนฺเทน สทฺธินฺติ อิทํ
"อายามานนฺทา"ติ เถรํ อามนฺเตตฺวา คตตฺตา วุตฺตํ, สตฺถา ปน อนูเนหิ
ปญฺจหิ ภิกฺขุสเตหิ ปริวุโต ตตฺถ อคมาสีติ เวทิตพฺโพ. เตนุปสงฺกมีติ
เตเหว ปญฺจหิ ภิกฺขุสเตหิ ปริวุโต อุปสงฺกมิ. ปริสิญฺจิตฺวาติ โวหารวจนเมตํ,
นฺหายิตฺวาติ อตฺโถ. ปุพฺพสทิสานิ กุรุมาโนติ ๒- รตฺตทุปฏฺฏํ นิวาเสตฺวา
อุตฺตราสงฺคจีวรํ ทฺวีหิ หตฺเถหิ คเหตฺวา ปจฺฉิมโลกธาตุํ ปิฏฺฐิโต กตฺวา
ปุรตฺถิมโลกธาตุํ อภิมุโข นิโรทกภาเวน ๓- คตฺตานิ ปุพฺพสทิสานิ กุรุมาโน
อฏฺฐาสีติ อตฺโถ. ภิกฺขุสํโฆปิ เตน เตน ฐาเนน โอตริตฺวา นฺหาตฺวา
ปจฺจุตฺตริตฺวา สตฺถารํเยว ปริวาเรตฺวา อฏฺฐาสิ. อิติ ตสฺมึ สมเย อากาสโต ปตมานํ
รตฺตสุวณฺณกุณฺฑลํ วิย สุริโย ปจฺฉิมโลกธาตุํ ปฏิปชฺชิ, ปริสุทฺธรชตมณฺฑโล
วิย ปาจีนโลกธาตุโต จนฺโท อพฺภุคฺคจฺฉิ, ๔- มชฺฌฏฺฐาเนปิ ปญฺจภิกฺขุสตปริวาโร
สมฺมาสมฺพุทฺโธ ฉพฺพณฺณรํสิโย ๕- วิสฺสชฺเชตฺวา ปุพฺพโกฏฺฐกนทีตีเร อาโลกํ ๖-
อลงฺกุรุมาโน อฏฺฐาสิ.
@เชิงอรรถ: ๑ ม. ปนฺนริตฺวา        ๒ ฉ.ม. ปุพฺพาปยมาโนติ      ๓ ฉ.ม. โวทกภาเวน
@๔ ฉ.ม. อพฺภุคฺคญฺฉิ      ๕ ฉ.ม. ฉพฺพณฺณพุทฺธรสฺมิโย         ๖ ฉ.ม. โลกํ


เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๑๒๐.
http://84000.org/tipitaka/read/attha_page.php?book=16&page=120&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=16&A=2693&modeTY=2&pagebreak=1
http://84000.org/tipitaka/atthapali/th_line.php?B=16&A=2693&modeTY=2&pagebreak=1#p120