อรรถกถาเล่มที่ ๑๖ ภาษาบาลี อักษรไทย
องฺ.อ. (มโนรถ.๓)
หน้าที่ ๒๘๑.

มาสาจิตํ มญฺเญติ เอตฺถ ปน สมฺโมหจิตฺตํ ๑- นาม ตินฺตมาโส วิย. ๒- ยถา ตินฺตมาโส
ครุโกติ โหติ, เอวํ ครุโก อธิปฺปาโย. คิลานา วุฏฺฐิโต โหตีติ คิลาโน หุตฺวา
ปจฺฉา วุฏฺฐิโต โหติ. อารภวตฺถูนีติ ๓- วิริยการณานิ. เตสํปิ อิมินาว นเยน อตฺโถ
เวทิตพฺโพ. เสสํ สพฺพตฺถ อุตฺตานเมวาติ.
                         ยมกวคฺโค อฏฺฐโม.
                        ----------------
                           ๙. ๔. สติวคฺค
                      ๑-๒. สติสมฺปชญฺญสุตฺตวณฺณนา
     [๘๑-๘๒] นวมสฺส ปฐมํ เหฏฺฐา วุตฺตนยเมว. ทุติเย สทฺโธติ ทุวิธาย
สทฺธาย สมนฺนาคโต. โน จ ปยิรุปาสิตาติ น สุปฏฺฐหิตา. ๔- โน จ ปริปุจฺฉิตาติ
อตฺถานตฺถํ การณาการณํ ปริปุจฺฉิตา น โหติ. สมนฺนาคโตติ ๕- สามิอตฺเถ ปจฺจตฺตํ,
สมนฺนาคตสฺสาติ วุตฺตํ โหติ. เอกนฺตปฏิภาณํ ๖- ตถาคตํ ธมฺมเทสนา โหตีติ
ตถาคตสฺส เอกนฺตปฏิภาณา ธมฺมเทสนา โหติ, เอกนฺเตเนว ปฏิภาติ อุปฏฺฐาตีติ
อตฺโถ.
                         ๓. มูลกสุตฺตวณฺณนา
     [๘๓] ตติเย สพฺเพ ธมฺมาติ ปญฺจกฺขนฺธา. ฉนฺทมูลกาติ อชฺฌาสยจฺฉนฺโท
กตฺตุกมฺยตาฉนฺโท ตํ มูลํ เอเตสนฺติ ฉนฺทมูลกา. มนสิการโต สมฺภวนฺตีติ
มนสิการสมฺภวา. ผสฺสโต สมุเทนฺติ ราสี ภวนฺตีติ ผสฺสสมุทยา. เวทนาย สโมสรนฺตีติ
@เชิงอรรถ: ๑ ฉ.ม. มาสาจิตํ ๒ ฉ.ม. อยํ สทฺโท น ทิสฺสติ
@๓ ฉ.ม. อารมฺภวตฺถูนีติ  ๔ ฉ.ม. โน จุปสงฺกมิตาติ น อุปฏฺฐหติ
@๕ ม. สมนฺนาคตนฺติ  ๖ ฉ.ม. เอกนฺตปฏิภานา


เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๒๘๑.
http://84000.org/tipitaka/read/attha_page.php?book=16&page=281&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=16&A=6320&modeTY=2&pagebreak=1
http://84000.org/tipitaka/atthapali/th_line.php?B=16&A=6320&modeTY=2&pagebreak=1#p281