อรรถกถาเล่มที่ ๑๖ ภาษาบาลี อักษรไทย
องฺ.อ. (มโนรถ.๓)
หน้าที่ ๓๑๕.

อธิคนฺตฺวา ปตฺวา สจฺฉิกตฺวา. ตมาเสเวยฺยนฺติ ตํ อานิสํสํ เสเวยฺยํ ภเชยฺยํ.
ยมฺเมติ เยน การเณน มยฺหํ. อธิคมฺมาติ อธิคนฺตฺวา. ๑- สฺวาสฺส เม โหติ
อาพาโธติ โส มยฺหํ อาพาธนฏฺเฐน อาพาโธ โหติ. อวิตกฺเก จิตฺตํ น ปกฺขนฺทตีติ
อวิตกฺกาวิจาเร ทุติยชฺฌาเน อารมฺมณวเสน จิตฺตํ น ปกฺขนฺทติ. วิตกฺเกสูติ
วิตกฺกวิจาเรสุ. เสสํ สพฺพตฺถ อุตฺตานตฺถเมวาติ.
                         มหาวคฺโค จตุตฺโถ.
                         ---------------
                           ๕. สามญฺญวคฺค
                        ๑. สมฺพาธสุตฺตวณฺณนา
     [๔๒] ปญฺจมสฺส ปฐเม อุทายีติ กาฬุทายิตฺเถโร. อวิทาติ ๒- อญฺญาสิ.
ภูริเมธโสติ มหาปญฺโญ. โย ฌานมนุพุชฺฌิ ๓- พุทฺโธติ โย ฌานํ อพุชฺฌิ.
ปฏิลีนนิสโภติ เอกีภาววเสน ปฏิลีโน เจว อุตฺตมฏฺเฐน จ นิสโภ. มุนีติ พุทฺธมุนิ.
ปริยาเยนาติ เอเกน การเณน. กามสมฺพาธสฺส หิ อภาวมตฺเตเนว ๔- ปฐมชฺฌานํ
โอกาสาธิคโม นาม, น สพฺพถา สพฺพํ. ตตฺรปตฺถิ ๕- สมฺพาโธติ ตสฺมึปิ ปฐมชฺฌาเน
สติปิ ๖- สมฺพาโธ ปฏิปีฬนา ๗- อตฺถิเยว. ตตฺถปิตฺถีติปิ ๘- ปาโฐ. กิญฺจ ตตฺถ
สมฺพาโธติ ตสฺมึ ปน ฌาเน กึ สมฺพาโธ นาม. อยเมตฺถ สมฺพาโธติ อยํ วิตกฺกวิจารานํ
อนิรุทฺธภาโว สมฺพาโธ สมฺปีฬา นาม. อิมินา อุปาเยน สพฺพวาเรสุ อตฺโถ
เวทิตพฺโพ. นิปฺปริยาเยนาติ น เอเกนากาเรน, อถโข อาสวกฺขโย นาม สพฺพ-
สมฺพาธานํ ปหีนตฺตา สพฺเพน สพฺพํ เอโก ๙- โอกาสาธิคโม นามาติ.
@เชิงอรรถ: ๑ สี. อธิคมินฺติ อธิคณฺหึ  ๒ ฉ.ม. อวิทฺวาติ  ๓ ฉ.ม. ฌานมพุชฺฌิ
@๔ ม. อาโภคมตฺเตเนว  ๕ ฉ.ม. ตตฺราปตฺถิ  ๖ ฉ.ม. อยํ ปาโฐ น ทิสฺสติ
@๗ ฉ.ม. ปฏิปีฬนํ  ๘ ฉ.ม. ตตฺราปิตฺถีติปิ  ๙ ฉ.ม. อยํ ปาโฐ น ทิสฺสติ


เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๓๑๕.
http://84000.org/tipitaka/read/attha_page.php?book=16&page=315&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=16&A=7095&modeTY=2&pagebreak=1
http://84000.org/tipitaka/atthapali/th_line.php?B=16&A=7095&modeTY=2&pagebreak=1#p315