อรรถกถาเล่มที่ ๑๖ หน้าที่ ๔๙.

๕. มจฺฉรินีสุตฺตวณฺณนา [๑๑๕] ปญฺจเม อาวาสมจฺฉรินีติ อาวาสํ มจฺฉรายติ, ตตฺถ อญฺเญสํ วาสํ น สหติ. กุลมจฺฉรินีติ อุปฏฺฐากกุลํ มจฺฉรายติ, อญฺเญสํ ตตฺถ อุปสงฺกมนํ น สหติ. ลาภมจฺฉรินีติ ลาภํ มจฺฉรายติ, อญฺเญสนฺตํ อุปปชฺชนฺตํ น สหติ. วณฺณมจฺฉรินีติ คุณํ มจฺฉรายติ, อญฺเญสํ คุณกถํ น สหติ, ธมฺมมจฺฉรินีติ ปริยตฺติธมฺมํ มจฺฉรายติ, อญฺเญสํ ทาตุํ น อิจฺฉติ. ๖-๗. วณฺณนาสุตฺตาทิวณฺณนา [๑๑๖-๑๑๗] ฉฏฺเฐ สทฺธาเทยฺยํ วินิปาเตตีติ ปเรหิ สทฺธาย ทินฺนปิณฺฑปาตโต อคฺคํ อคเหตฺวา ปรสฺส เทติ. สตฺตเม อิสฺสุกินีติ อิสฺสาย สมนฺนาคตา. เสสํ สพฺพตฺถ อุตฺตานเมวาติ. อนฺธกวินฺทวคโค ทุติโย. -------------- ๑๓. ๓. คิลานวคฺค ๔. ทุติยอุปฏฺฐากสุตฺตวณฺณนา [๑๒๔] ตติยสฺส จตุตฺเถ น ปฏิพโลติ กายพเลน จ ญาณพเลน จ น สมนฺนาคโต. ^๑- อามิสนฺตโรติ อามิสเหตุโก จีวราทีนิ ปจฺจาสึสมาโน. ๕-๖. อนายุสฺสาสุตฺตทฺวยวณฺณนา [๑๒๕-๑๒๖] ปญฺจเม อนายุสฺสาติ อายุปจฺเฉทนา น อายุวฑฺฒนา. ฉฏฺเฐปิ เอเสว นโย. @เชิงอรรถ: ^๑ ฉ.ม. อสมนฺนาคโต

เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๔๙. http://84000.org/tipitaka/read/attha_page.php?book=16&page=49&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=1095&modeTY=2&pagebreak=1 http://84000.org/tipitaka/atthapali/th_line.php?B=16&A=1095&modeTY=2&pagebreak=1#p49