อรรถกถาเล่มที่ ๑๖ ภาษาบาลี อักษรไทย
องฺ.อ. (มโนรถ.๓)
หน้าที่ ๕๐.

                        ๗. วปกาสสุตฺตวณฺณนา
     [๑๒๗] สตฺตเม นาลํ สํฆมฺหา วปกาสิตุนฺติ สํฆโต นิกฺขมิตฺวา เอกโก
วสิตุํ น ยุตฺโต. กามํ เจส สํฆมชฺเฌปิ วสิตุํ อยุตฺโตว อสํฆโสภนตาย, ๑-
โอวาทานุสาสนิปฏิพทฺธตฺตา ปน นิปฺปริยาเยเนว สํฆมฺหา วปกาสิตุํ น ยุตฺโต. อลํ
สํฆมฺหา วปกาสิตุนฺติ จาตุทฺทิสตฺตา สํฆมฺหา นิกฺขมฺม เอกโกว วสิตุํ ยุตฺโต,
สํฆโสภนตฺตา ๒- ปน สํเฆปิ วสิตุํ ยุตฺโตเยว. อฏฺฐมํ อุตฺตานตฺถเมว.
                        ๙. ปริกุปฺปสุตฺตวณฺณนา
     [๑๒๙] นวเม อาปายิกาติ อปายคามิโน. เนรยิกาติ นิรยคามิโน. ปริกุปฺปาติ
ปริกุปฺปนสภาวา ปุราณวณสทิสา. อเตกิจฺฉาติ อกตฺตพฺพปฏิกมฺมา. ๓- ทสมํ
อุตฺตานตฺถเมวาติ.
                         คิลานวคฺโค ตติโย.
                         --------------
                          ๑๔. ๔. ราชวคฺค
                     ๑. ปฐมจกฺกานุวตฺตนสุตฺตวณฺณนา
     [๑๓๑] จตุตฺถสฺส ปฐเม ธมฺเมนาติ ทสกุสลธมฺเมน. จกฺกนฺติ อาณาจกฺกํ.
อตฺถญฺญูติ รชฺชตฺถํ ๔- ชานาติ. ธมฺมญฺญูติ ปเวณิธมฺมํ ชานาติ. มตฺตญฺญูติ
ทณฺเฑ วา พลิสฺมึ วา ปมาณํ ชานาติ. กาลญฺญูติ รชฺชสุขานุภวนกาลํ
วินิจฺฉยกรณกาลํ ชนปทจาริกกาลญฺจ ชานาติ. ปริสญฺญูติ อยํ ปริสา ขตฺติยปริสา,
อยํ พฺราหฺมณปริสา เวสฺสปริสา สุทฺทปริสา สมณปริสาติ ชานาติ.
@เชิงอรรถ: ๑ สี. อสํฆโสภนตฺตา  ๒ ฉ.ม. สํฆโสภนตาย
@๓ ฉ.ม. อกตฺตพฺพปริกมฺมา  ๔ สี. เหตุํ, ฏีกา. รญฺชิตุํ


เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๕๐.
http://84000.org/tipitaka/read/attha_page.php?book=16&page=50&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=16&A=1115&modeTY=2&pagebreak=1
http://84000.org/tipitaka/atthapali/th_line.php?B=16&A=1115&modeTY=2&pagebreak=1#p50