อรรถกถาเล่มที่ ๑๖ ภาษาบาลี อักษรไทย
องฺ.อ. (มโนรถ.๓)
หน้าที่ ๕๓.

                      ๕-๖. ปตฺถนาสุตฺตทฺวยวณฺณนา
     [๑๓๕-๑๓๖] ปญฺจเม เนคมชานปทสฺสาติ นิคมวาสิโน จ รฏฺฐวาสิโน จ
ชนสฺส. หตฺถิสฺมินฺติอาทีหิ หตฺถิอสฺสรถถรุธนุเลขมุทฺทาคณนาทีนิ โสฬสมหาสิปฺปานิ
ทสฺสิตานิ. อนวโยติ สมตฺโถ ปริปุณฺโณ. เสสเมตฺถ เหฏฺฐา วุตฺตนเยเนว เวทิตพฺพํ.
ฉฏฺเฐ อุปรชฺชนฺติ ๑- อุปราชภาวํ.
                        ๗. อปฺปํสุปติสุตฺตวณฺณนา
     [๑๓๗] สตฺตเม ปุริสาธิปฺปายาติ อสทฺธมฺมวเสน ปุริเส อุปฺปนฺนาธิปฺปายา
ปุริสชฺฌาสยา. อาทานาธิปฺปาโยติ อิทานิ คเหตุํ สกฺขิสฺสามิ, อิทานิ น ๒-
สกฺขิสฺสามีติ เอวํ คหณาธิปฺปาโย. วิสญฺโญคาธิปฺปาโยติ อิทานิ นิพฺพานํ
ปาปุณิสฺสามิ, อิทานิ ปาปุณิสฺสามีติ เอวํ นิพฺพานชฺฌาสโย.
                        ๘. ภตฺตาทกสุตฺตวณฺณนา
     [๑๓๘] อฏฺฐเม ภตฺตาทโกติ ภตฺตกฺขาทโก, พหุภตฺตภุญฺโชติ อตฺโถ.
โอกาสผรโณติ โอกาสํ ผริตฺวา อญฺเญสํ สมฺพาธํ กตฺวา ฐาเนน โอกาสผรโณ.
ตตฺถ ตตฺถ ลณฺฑํ สาเธติ ๓- ปาเตตีติ ลณฺฑสาธโน. ๔- เอตฺตกา หตฺถีติ คณนกาเล
สลากํ คณฺหาตีติ สลากคฺคาหี. นิสีทนสยนวเสน มญฺจปีฐํ มทฺทตีติ มญฺจปีฐมทฺทโน. ๕-
ภิกฺขุคณนกาเล สลากํ คณฺหาตีติ สลากคฺคาหี.
                         ๙. อกฺขมสุตฺตวณฺณนา
     [๑๓๙] นวเม หตฺถิกายนฺติ หตฺถิฆฏํ. เสเสสุปิ เอเสว นโย. สงฺคาเม
อวจรนฺตีติ สงฺคามาวจรา. เอกิสฺสา วา ติโณทกทตฺติยา วิมานิโตติ เอกทิวสํ
จ ๖- เอเกน ติโณทกทาเนน วิมานิโต, เอกทิวสมตฺตํ อลทฺธติโณทโกติ อตฺโถ.
@เชิงอรรถ: ๑ ฉ.ม. โอปรชฺชนฺติ  ๒ ฉ.ม. อยํ สทฺโท น ทิสฺสติ  ๓ ฉ.ม. สาเรติ
@๔ ฉ.ม. ลณฺฑสารโณ  ๕ สี. ปีฐมทฺทโน  ๖ ฉ.ม. อยํ สทฺโท น ทิสฺสติ


เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๕๓.
http://84000.org/tipitaka/read/attha_page.php?book=16&page=53&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=16&A=1182&modeTY=2&pagebreak=1
http://84000.org/tipitaka/atthapali/th_line.php?B=16&A=1182&modeTY=2&pagebreak=1#p53