Dassāmī"ti khettaggahaṇaṃ ādiṃ katvā cintentassa labbhati. Dadaṃ cittaṃ
pasādetīti evaṃ vuttā muñcanacetanā pana dānakāleyeva labbhati. Datvā attamano
hotīti ayaṃ pana aparacetanā aparāparaṃ anussarantassa labbhati. Vītarāgāti
vigatarāgā khīṇāsavā. Rāgavinayāya vā paṭipannāti rāgavinayapaṭipadaṃ paṭipannā.
Ukkaṭṭhadesanā cesā, na kevalaṃ pana khīṇāsavānaṃ, anāgāmisakadāgāmi-
sotāpannānaṃpi antamaso tadahupabbajitassa bhaṇḍaggāhakasāmaṇerassāpi dinnā
dakkhiṇā chaḷaṅgasamannāgatāva hoti. Sopi hi sotāpattimaggatthameva pabbajito.
Yaññassa sampadāti dānassa paripuṇṇatā. Saññatāti sīlasaññamena
saññatā. Sayaṃ ācamayitvānāti 1- attanāva hatthapāde dhovitvā mukhaṃ vikkhāletvā.
Sakehi 2- pāṇibhīti attano hatthehi. Sayehītipi 3- pāṭho. Saddhoti ratanattayaguṇe
saddahanto. Muttena cetasāti lābhamacchariyādīhi vimuttena cittena. Abyāpajjhaṃ
sukhaṃ lokanti niddukkhaṃ uḷārasukhasomanassaṃ devalokaṃ.
8. Attakārīsuttavaṇṇanā
[38] Aṭṭhame addasaṃ vā assosiṃ vāti akkhīni ummiletvā mā addasaṃ,
asukasmiṃ nāma ṭhāne vasatīti mā assosiṃ, kathentassa vā vacanaṃ mā assosiṃ.
Kathaṃ hi nāmāti kena nāma kāraṇena. Ārabbhadhātūti 4- ārabhanavasena pavattaviriyaṃ.
Nikkamadhātūti kosajjato nikkhamanasabhāvaṃ viriyaṃ. Parakkamadhātūti parakkamasabhāvo.
Thāmadhātūti thāmasabhāvo. Dhitidhātūti dhitisabhāvo. 5- Upakkamadhātūti upakkamasabhāvo.
Sabbaṃ cetaṃ tenākārena 6- pavattassa viriyasseva nāmaṃ.
9-10. Nidānasuttādivaṇṇanā
[39-40] Navame kammānanti vaṭṭagāmikammānaṃ. Samudayāyāti piṇḍa-
karaṇatthāya. Nidānanti paccayo. Lobhajenāti lobhato jātena. Na paññāyantīti
@Footnote: 1 ka. ācarayitvānāti 2 Sī. sehi 3 Sī. sakehītipi, Ma. saññehītipi
@4 cha.Ma. ārambhadhātūti 5 cha.Ma. ṭhitidhātūti. ṭhitisabhāvo 6 cha.Ma. tena tenākārena
The Pali Atthakatha in Roman Character Volume 16 Page 118.
http://84000.org/tipitaka/read/attha_page.php?book=16&page=118&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=16&A=2645&pagebreak=1
http://84000.org/tipitaka/atthapali/rm_line.php?B=16&A=2645&pagebreak=1#p118
