ATTHAKATHA Book 16 : PALI ROMAN
An.A. (manoratha.3)
Page 138.

Khinasavassa cittam gahetva thatum na sakkonti. Kilesa hi uppajjamana cittam
ganhanti nama. Amissikatanti kilesa hi arammanena saddhim cittam missam
karonti, 1- tesam abhava amissikatam. Thitanti patitthitam. Anenjappattanti
acalappattam. Vayancassanupassatiti tassa cesa 2-  cittassa uppadampi vayampi
passati. Bhusa vatavutthiti balava vatakkhandho. Neva sankampeyyati ekabhagena caletum
na sakkuneyya. Na sampakampeyyati thunam viya sabbabhagato kampetum na sakkuneyya.
Na sampavedheyyati vedhetva pavedhetva caletum 3- na sakkuneyya.
     Nekkhammamadhimuttassati arahattam pativijjhitva thitassa khinasavassa.
Sesapadesupi arahattameva kathitam. Upadanakkhayassa cati upayogatthe samivacanam.
Asammohanca cetasoti cittassa ca asammoham adhimuttassa. Disva ayatanuppadanti
ayatananam uppadanca vayanca disva. Samma cittam vimuccatiti samma
hetuna nayena imaya vipassanapatipattiya phalasamapattivasena cittam vimuccati,
nibbanarammane adhimuccati. Athava imina khinasavassa patipada kathita. Tassa
hi ayatanuppadam disva imaya vipassanaya adhigatassa ariyamaggassanubhavena
sabbakilesehi samma cittam vimuccati. Evam tassa sammavimuttassa .pe. Na
vijjati. Tattha santacittassati nibbutacittassa. Sesamettha uttanatthamevati.
                         2. Phaggunasuttavannana
     [56] Dutiye samancopiti 4- utthanakaram dassesi. Patikkamantiti parihayanti.
No abhikkamantiti na vaddhanti. Sisavethanam dadeyyati sisam vethetva dandakena 5-
samparivattakam bandheyya. Indriyani vippasidimsuti tasmim maranasamaye cha indriyani
vippasannani ahesum. Atthupaparikkhayati atthanattham karanakaranam upaparikkhane. 6-
Anuttare upadhisankhayeti nibbane. Adhimuttam hotiti arahattaphalena adhimuttam hoti.
@Footnote: 1 Si. missikaronti  2 Ma. tassa ca  3 cha.Ma. patetum
@4 cha.Ma. samadhositi  5 Si. gandkena  6 Ma. upaparikkhanena


The Pali Atthakatha in Roman Character Volume 16 Page 138.
http://84000.org/tipitaka/read/attha_page.php?book=16&page=138&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=16&A=3108&modeTY=2&pagebreak=1
http://84000.org/tipitaka/atthapali/rm_line.php?B=16&A=3108&modeTY=2&pagebreak=1#p138