อรรถกถาเล่มที่ ๑๖ หน้าที่ ๑๕๒.

๖. สมาธิสุตฺตวณฺณนา [๗๐] ฉฏฺเฐ น สนฺเตนาติ ปจฺจนีกกิเลเสหิ อวูปสนฺเตน. น ปณีเตนาติ น อตปฺปเกน. น ปฏิปฺปสฺสทฺธิลทฺเธนาติ ^๑- กิเลสปฏิปฺปสฺสทฺธิยา อลทฺเธน อปฺปตฺเตน. น เอโกทิภาวาธิคเตนาติ น เอกคฺคภาวํ อุปคเตน. ๗. สกฺขิภพฺพสุตฺตวณฺณนา [๗๑] สตฺตเม ตตฺร ตตฺราติ ตสฺมึ ตสฺมึ วิเสเส. สกฺขิภพฺพตนฺติ ปจฺจกฺขภาวํ. อายตเนติ การเณ. หานภาคิยาทโย วิสุทฺธิมคฺเค ^๒- สํวณฺณิตา. อสกฺกจฺจการีติ น สุกตการี น อาทรการี. อสปฺปายการีติ น สปฺปายการี น อุปการภูตธมฺมการี. ๘. พลสุตฺตวณฺณนา [๗๒] อฏฺฐเม พลตนฺติ พลภาวํ ถามภาวํ. อสาตจฺจการีติ น สตตการี. เสสํ เหฏฺฐา วุตฺตนยเมว. ๙-๑๐. ตชฺฌานสุตฺตทฺวยวณฺณนา [๗๓-๗๔] นวเม น ยถาภูตํ สมฺมปฺปญฺญาย สุทิฏฺโฐ โหตีติ วตฺถุกาม- กิเลสกาเมสุ อาทีนโว น ยถาสภาวโต ฌานปญฺญาย สุทิฏฺโฐ โหติ. ทสมํ อุตฺตานตฺถเมวาติ. เทวตาวคฺโค สตฺตโม --------------- @เชิงอรรถ: ^๑ สี. ปฏิปฺปสฺสทฺธลทฺเธนาติ ^๒ วิสุทฺธิ. ๑/๑๑๐ กมฺมฏฺฐานคฺคหณนิทฺเทส

เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๑๕๒. http://84000.org/tipitaka/read/attha_page.php?book=16&page=152&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=3426&modeTY=2&pagebreak=1 http://84000.org/tipitaka/atthapali/th_line.php?B=16&A=3426&modeTY=2&pagebreak=1#p152