ATTHAKATHA Book 16 : PALI ROMAN
Aṅ.A. (manoratha.3)
Page 155.

Kosajjānupatitakāle viriyena paggahetabbaṃ nāma, nirassādagatakāle samādhinā
sampahaṃsitabbaṃ nāma, samappavattakāle bojjhaṅgupekkhāya ajjhupekkhitabbaṃ nāma.
                        2. Āvaraṇasuttavaṇṇanā
     [86] Dutiye kammāvaraṇatāyāti pañcahi ānantariyakammehi. Kilesāvaraṇatāyāti
niyatamicchādiṭṭhiyā. Vipākāvaraṇatāyāti akusalavipākapaṭisandhiyā vā kusalavipākepi
ahetukapaṭisandhiyā vāti.
                      4-5. Sussūsatisuttādivaṇṇanā
     [88-89] Catutthe anatthanti avaḍḍhiṃ. Atthaṃ riñcatīti vaḍḍhiatthaṃ chaḍḍeti.
Ananulomikāyāti sāsanassa ananulomikāya. Pañcame diṭṭhisampadanti sotāpattimaggaṃ.
                   8-11. Abhabbaṭṭhānasuttacatukkavaṇṇanā
     [92-95]  Aṭṭhame anāgamanīyavatthunti anupagantabbakāraṇaṃ, 1- pañcannaṃ verānaṃ
dvāsaṭṭhiyā ca diṭṭhigatānametaṃ adhivacanaṃ. Aṭṭhamaṃ bhavanti kāmāvacare aṭṭhamaṃ
paṭisandhiṃ. Navame kotuhalamaṅgalenāti diṭṭhasutamutamaṅgalena. Dasame sayaṃ katantiādīni
attadiṭṭhivasena vuttāni. Adhiccasamuppannanti ahetunibbattaṃ. Sesaṃ sabbattha
uttānamevāti.
                          Sītivaggo navamo.
                          -------------
@Footnote: 1 Sī. ananugantabbaṃ kāraṇaṃ


The Pali Atthakatha in Roman Character Volume 16 Page 155.
http://84000.org/tipitaka/read/attha_page.php?book=16&page=155&pages=1&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=16&A=3483&pagebreak=1
http://84000.org/tipitaka/atthapali/rm_line.php?B=16&A=3483&pagebreak=1#p155