ATTHAKATHA Book 16 : PALI ROMAN
An.A. (manoratha.3)
Page 156.

                          10. Anisamsavagga
                      1-2. Patubhavasuttadivannana
     [96-97] Dasamassa pathame ariyayataneti majjhimadese. Indriyananti
manacchatthanam. Dutiye saddhammaniyatoti sasanasaddhamme niyato. Asadharanenati
puthujjanehi asadharanena.
                        7. Anavatthitasuttavannana
     [102] Sattame anodhim karitvati "ettakava sankhara anicca, na
ito pare"ti evam simam mariyadam akatva. Anavatthitatoti 1- avatthitato thanarahita, 2-
bhijjamanava hutva santhahissantiti 3- attho. Sabbaloketi sakale tedhatuke.
Samannenati samanabhavena, ariyamaggenati attho.
                       8. Ukkhittasikasuttavannana
     [103] Atthame mettavatayati mettayuttaya paricariyaya. Satta hi sekha
tathagatam mettavataya paricaranti, khinasavopi 4- paricinnasatthuko.
                        9. Atammayasuttavannana
     [104] Navame atammayoti tammaya vuccanti tanhaditthiyo, tahi rahito.
Ahamkarati ahamkaraditthi. Mamamkarati mamamkaratanha. Sesam sabbattha uttanatthamevati.
                         Anisamsavaggo dasamo.
                        Dutiyapannasako nitthito.
@Footnote: 1 cha.Ma. anavatthitati  2 cha.Ma. avatthitaya rahita  3 cha.Ma. upatthahissantiti
@4 cha.Ma. khinasavo


The Pali Atthakatha in Roman Character Volume 16 Page 156.
http://84000.org/tipitaka/read/attha_page.php?book=16&page=156&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=16&A=3501&modeTY=2&pagebreak=1
http://84000.org/tipitaka/atthapali/rm_line.php?B=16&A=3501&modeTY=2&pagebreak=1#p156