ATTHAKATHA Book 16 : PALI ROMAN
Aṅ.A. (manoratha.3)
Page 209.

Idañca pana suttaṃ kathetvā satthā cūḷaccharāsaṅghātasuttaṃ kathesi. Navamaṃ
uttānatthameva.
                         10. Arakasuttavaṇṇanā
     [74] Dasame parittanti appaṃ thokaṃ. Tañhi sarasaparittatāyapi khaṇaparittatāyapi
ṭhitiparittatāyapi parittameva. Lahuṃ uppajjitvā nirujjhanato lahukaṃ. 1- Mantāya
phoṭṭhabbanti mantāya phoṭṭhabbaṃ, puññāya jānitabbanti attho. Pabbateyyāti
pabbatasambhavā. Hārahārinīti rukkhanaḷaveḷuādīni haritabbāni harituṃ samatthā. Sesaṃ
sabbattha uttānamevāti.
                          Mahāvaggo sattamo
                         ---------------
                            8. Vinayavagga
                       1. Paṭhamavinayadharasuttavaṇṇanā
     [75] Aṭṭhamassa paṭhame āpattiṃ jānātīti āpattiṃyeva āpattīti jānāti.
Sesapadesupi eseva nayo.
                       2. Dutiyavinayadharasuttavaṇṇanā
     [76] Dutiye svāgatānīti suāgatāni suppaguṇāni. Suvibhattānīti koṭṭhāsato
suṭṭhu vibhattāni. Suppavattīnīti āvajjitāvajjitaṭṭhāne suṭṭhu pavattāni daḷhaṃ
paguṇāni. Suvinicchitānīti suṭṭhu vinicchitāni. Suttasoti vibhaṅgato.
Anubyañjanasoti khandhakaparivārato.
@Footnote: 1 Sī. lahusaṃ, ṭīkāyaṃ ca


The Pali Atthakatha in Roman Character Volume 16 Page 209.
http://84000.org/tipitaka/read/attha_page.php?book=16&page=209&pages=1&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=16&A=4674&pagebreak=1
http://84000.org/tipitaka/atthapali/rm_line.php?B=16&A=4674&pagebreak=1#p209