อรรถกถาเล่มที่ ๑๖ หน้าที่ ๒๐๙.

อิทญฺจ ปน สุตฺตํ กเถตฺวา สตฺถา จูฬจฺฉราสงฺฆาตสุตฺตํ กเถสิ. นวมํ อุตฺตานตฺถเมว. ๑๐. อรกสุตฺตวณฺณนา [๗๔] ทสเม ปริตฺตนฺติ อปฺปํ โถกํ. ตญฺหิ สรสปริตฺตตายปิ ขณปริตฺตตายปิ ฐิติปริตฺตตายปิ ปริตฺตเมว. ลหุํ อุปฺปชฺชิตฺวา นิรุชฺฌนโต ลหุกํ. ^๑- มนฺตาย โผฏฺฐพฺพนฺติ มนฺตาย โผฏฺฐพฺพํ, ปุญฺญาย ชานิตพฺพนฺติ อตฺโถ. ปพฺพเตยฺยาติ ปพฺพตสมฺภวา. หารหารินีติ รุกฺขนฬเวฬุอาทีนิ หริตพฺพานิ หริตุํ สมตฺถา. เสสํ สพฺพตฺถ อุตฺตานเมวาติ. มหาวคฺโค สตฺตโม --------------- ๘. วินยวคฺค ๑. ปฐมวินยธรสุตฺตวณฺณนา [๗๕] อฏฺฐมสฺส ปฐเม อาปตฺตึ ชานาตีติ อาปตฺตึเยว อาปตฺตีติ ชานาติ. เสสปเทสุปิ เอเสว นโย. ๒. ทุติยวินยธรสุตฺตวณฺณนา [๗๖] ทุติเย สฺวาคตานีติ สุอาคตานิ สุปฺปคุณานิ. สุวิภตฺตานีติ โกฏฺฐาสโต สุฏฺฐุ วิภตฺตานิ. สุปฺปวตฺตีนีติ อาวชฺชิตาวชฺชิตฏฺฐาเน สุฏฺฐุ ปวตฺตานิ ทฬฺหํ ปคุณานิ. สุวินิจฺฉิตานีติ สุฏฺฐุ วินิจฺฉิตานิ. สุตฺตโสติ วิภงฺคโต. อนุพฺยญฺชนโสติ ขนฺธกปริวารโต. @เชิงอรรถ: ^๑ สี. ลหุสํ, ฏีกายํ จ

เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๒๐๙. http://84000.org/tipitaka/read/attha_page.php?book=16&page=209&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=4674&modeTY=2&pagebreak=1 http://84000.org/tipitaka/atthapali/th_line.php?B=16&A=4674&modeTY=2&pagebreak=1#p209