อรรถกถาเล่มที่ ๑๖ หน้าที่ ๒๔๗.

คนฺธมาลาวิเลปนจุณฺณาทีนิ ^๑- คเหตฺวา เยน ภควา เตนุปสงฺกมิ. สงฺคหวตฺถูนีติ สงฺคณฺหนการณานิ. ^๒- เตหาหนฺติ เตหิ อหํ. ตํ ทาเน สงฺคณฺหามีติ นงฺคลพลิพทฺทภตฺตพีชาทีนิ เจว คนฺธมาลาวิเลปนจุณฺณาทีนิ ^๓- จ ทตฺวา สงฺคณฺหามิ. เปยฺยวาเจนาติ ^๔- อมฺมตาตภาตรภคินีติอาทิเกน กณฺณสุเขน มุทุเกน ปิยวจเนน สงฺคณฺหามิ. อตฺถจริยายาติ "อิมสฺส ทาเนน วา ปิยวจเนน วา กิจฺจํ นตฺถิ, อตฺถจริยาย สงฺคณฺหิตพฺพยุตฺตโก อยนฺ"ติ ญตฺวา อุปฺปนฺนกิจฺจนิตฺถรณสงฺขาตาย อตฺถจริยาย สงฺคณฺหามิ. สมานตฺตตายาติ "อิมสฺส ทานาทีหิ กิจฺจํ นตฺถิ, สมานตฺตตาย สงฺคณฺหิตพฺโพ อยนฺ"ติ ญตฺวา ^๕- เอกโต ขาทนปิวนนิสชฺชาทีหิ อตฺตนา สมานํ กตฺวา สงฺคณฺหามิ. ทลิทฺทสฺส โข โน ตถา โสตพฺพํ มญฺญนฺตีติ ทลิทฺทสฺส กิญฺจิ ทาตุํ วา กาตุํ วา อสกฺโกนฺตสฺส, ยถา ทลิทฺทสฺส โน ตถา โสตพฺพํ มญฺญนฺติ, มม ปน โสตพฺพํ มญฺญนฺติ, ทินฺโนวาเท ติฏฺฐนฺติ, น เม อนุสาสนึ อติกฺกมิตพฺพํ มญฺญนฺติ. โยนิ โข ตฺยายนฺติ อุปาโย โข เต อยํ. อิเมสุ ปน ทฺวีสุปิ สุตฺเตสุ สตฺถารา สีลจาคปญฺญา มิสฺสิกา กถิตาติ เวทิตพฺพา. ๕-๖. มหานามสุตฺตาทิวณฺณนา [๒๕-๒๖] ปญฺจเม อตฺถูปปริกฺขี ^๖- โหตีติ อตฺถานตฺถํ การณาการณํ อุปปริกฺขิตา โหติ. ฉฏฺเฐ สทฺธาสีลจาคา มิสฺสกา กถิตา. ๗. ปฐมพลสุตฺตวณฺณนา [๒๗] สตฺตเม อุชฺฌตฺติพลาติ อุชฺฌานพลา. พาลานํ หิ "ยํ อสุโก อิทญฺจิทญฺจ อาห, มํ โส อาห, ^๗- น อญฺญนฺ"ติ เอวํ อุชฺฌานเมว พลํ. @เชิงอรรถ: ^๑ ฉ.ม. คนฺธมาลวิเลปนจุณฺณานิ ^๒ สี. นงฺคลพลิพทฺทภตฺตวตฺถาทีนิ @^๓ ฉ.ม. คนฺธมาลมูลาทีนิ ^๔ ฉ.ม. เปยฺยวชฺเชนาติ ^๕ ฉ.ม. อยํ ปาโฐ น ทิสฺสติ @^๖ ฉ.ม. อตฺถูปปริกฺขิตา ^๗ สี. ยํ อสฺส โกธจิตฺตํ, ตถา มํ โส อาห

เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๒๔๗. http://84000.org/tipitaka/read/attha_page.php?book=16&page=247&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=5533&modeTY=2&pagebreak=1 http://84000.org/tipitaka/atthapali/th_line.php?B=16&A=5533&modeTY=2&pagebreak=1#p247