ATTHAKATHA Book 16 : PALI ROMAN
An.A. (manoratha.3)
Page 282.

Vedanasamosarana. Samadhi etesam pamukhoti samadhippamukha. Jetthakatthena sati
adhipati 1- etesanti satadhipateyya, satijetthakati attho. Panna uttara etesanti
pannuttaRa. Vimutti 2- saro etesanti vimuttasaRa. Ettha ca chandamulakadayo
cattaropi lokiya kathita, sesa lokiyalokuttaramissakati.
                         4. Corasuttavannana
     [84] Catutthe mahacoroti rajjantare dubbhitum samattho mahacoro.
Pariyapajjatiti pariyadanam gacchati. Na ciratthitiko hotiti addhanam palento thatum
na sakkoti. Appaharantassa paharatiti attano averine appaharante gunasampanne
ca mahallake ca tarunadarake ca appaharitabbayuttake paharati. Anavasesam adiyatiti
nissesam ganhati. Byattacorananhi idam vattam:- parassa dvisu satakesu eko
gahetabbo, ekasmim sante dubbalam datva thiro gahetabbo. Putabhattatanduladisu
ekam kotthasam datva eko gahetabboti. Accasanne kammam karotiti
gamanigamarajadhaninam asannatthane corikakammam karoti. Na ca nidhanakusalo
hotiti yam laddham, tam dakkhineyye nidahitum cheko na hoti, paralokamaggam na sodheti.
                         5. Samanasuttavannana
     [85] Pancame yam samanenati yam gunajatam samanena pattabbam. Vusimatati
brahmacariyavasamvutena. Mutto mocemi bandhanati sayam 3- sabbabandhanehi mutto hutva
mahajanampi ragadibandhanato mocemi. Paramadantoti annena kenaci asikkhapito
acodito sayambhunanena pativijjhitva paramadamathena dantatta paramadanto nama.
Parinibbutoti kilesaparinibbanena parinibbuto.
@Footnote: 1 Ma. adhipateyya  2 cha.Ma. vimuttieva 3 cha.Ma. aham


The Pali Atthakatha in Roman Character Volume 16 Page 282.
http://84000.org/tipitaka/read/attha_page.php?book=16&page=282&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=16&A=6341&modeTY=2&pagebreak=1
http://84000.org/tipitaka/atthapali/rm_line.php?B=16&A=6341&modeTY=2&pagebreak=1#p282