บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN An.A. (manoratha.3) Page 288.
Ahosi. Tam sandhaya athakho ayasmato meghiyassatiadi vuttam. Anvasattati anubaddha samparivarita. Yena bhagava tenupasankamiti evam papavitakkehi samparikinno kammatthanam sappayam katum asakkonto "idam vata disva dighadassi bhagava patisedhesi"ti sallakkhetva "idam karanam dasabalassa arocessami"ti nisinnasanato vutthaya yena bhagava tenupasankami. 4. Nandakasuttavannana [4] Catutthe upatthanasalayanti bhojanasalayam. Yenupatthanasalati sattha nandakattherena madhurassarena araddhaya dhammadesanaya saddam sutva "ananda ko eso upatthanasalayam madhuravacanena dhammam deseti"ti pucchitva "dhammakathika- nandakattherassa ajja bhante varo"ti sutva "atimadhuram katva ananda eso bhikkhu dhammam katheti, mayampi gantva sunissama"ti vatva yenupatthanasala tenupasankami. Bahidvarakotthake atthasiti chabbannasmiyo civaragabbhe paticchadetva annatakavesena atthasi. Kathapariyosanam agamayamanoti "idamavoca"ti idam kathavasanam udikkhamano dhammakatham sunanto atthasiyeva. Athayasma anando nikkhante pathame yame satthu sannam adasi "pathamo bhante yamo atikkanto thokam vissamatha"ti. Sattha tattheva atthasi. Athayasma anando majjhimayame nikkhante "bhante tumhe pakatiya khattiyasukhumala, puna buddhasukhumala 1- paramasukhumala, majjhimayamopi atikkanto, muhuttam vissamatha"ti aha. Sattha tattheva atthasi. Tassa thitakasseva arunuggamanam 2- pannayittha. Arunuggamananca therassa idamavoca"ti papetva kathapariyosananca dasabalassa chabbannarasmivissajjananca 3- ekappahareneva ahosi. Aggalam akotesiti agganakhena dvarakavatam akotesi. @Footnote: 1 cha.Ma. buddhasukhumalati 2 cha.Ma. tattha thitakassevassa arunaggam @3 cha.Ma. chabbannasarirarasmivissajjanancaThe Pali Atthakatha in Roman Character Volume 16 Page 288. http://84000.org/tipitaka/read/attha_page.php?book=16&page=288&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=6474&modeTY=2&pagebreak=1 http://84000.org/tipitaka/atthapali/rm_line.php?B=16&A=6474&modeTY=2&pagebreak=1#p288
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]