บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN An.A. (manoratha.3) Page 304.
2. Assakhalunkasuttavannana [22] Dutiye javasampannoti padajavena sampanno. Na vannasampannoti na sariravannena sampanno. Purisakhalunkesu javasampannoti nanajavena sampanno. Na vannasampannoti na gunavannena sampanno. Sesam palinayeneva veditabbam. Yancettha vattabbam siya, tam tikanipatavannanayam vuttameva. 3. Tanhamulakasuttavannana [23] Tatiye tanham paticcati dve tanha esanatanha esitatanha ca. Yaya tanhaya ajapathasankupathadini patipajjitva bhoge esati gavesati, ayam esanatanha nama. Ya tesu esitesu gavesitesu patiladdhesu tanha, ayam esitatanha nama. Idha pana esanatanha datthabba. Pariyesanati rupadiarammanapariyesana. Sa hi esanatanhaya sati hoti. Labhoti rupadiarammanapatilabho. So hi pariyesanaya sati hoti. Vinicchayo pana nanatanhaditthivitakkavasena catubbidho. Tattha "sukhavinicchayam janna, sukhavinicchayam natva ajjhattam sukhamanuyunjeyya"ti 1- ayam nanavinicchayo. "vinicchayati dve vinicchaya tanhavinicchayo ditthivinicchayo ca"ti 2- evam agatani atthasatatanhavicaritani tanhavinicchayo ca dvasatthiditthiyo ditthivinicchayo. "../../bdpicture/chando kho devanaminda vitakkanidano"ti 3- imasmim pana sutte idha vinicchayoti vutto vitakkoyeva agato. Labham labhitvapi 4- itthanittham sundarasundaram vitakkeneva vinicchinanti "ettakam me ruparammanatthaya bhavissati, ettakam saddarammanatthaya, ettakam mayham bhavissati, ettakam parassa, ettakam paribhunjissami, ettakam nidahissami"ti. Tena vuttam labham paticca vinicchayoti. @Footnote: 1 Ma.u. 14/323/296 aranavibhangasutta 2 khu.maha. 29/470/319 kalahavivadasuttaniddesa @(sya) 3 di.Ma. 10/358/237 gopakavatthu 4 cha.Ma. labhitva hiThe Pali Atthakatha in Roman Character Volume 16 Page 304. http://84000.org/tipitaka/read/attha_page.php?book=16&page=304&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=6847&modeTY=2&pagebreak=1 http://84000.org/tipitaka/atthapali/rm_line.php?B=16&A=6847&modeTY=2&pagebreak=1#p304
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]