ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓)

หน้าที่ ๓๐๕.

     ฉนฺทราโคติ เอวํ อกุสลวิตกฺเกน วิตกฺกิเต วตฺถุสฺมึ ทุพฺพลราโค จ พลวราโค
จ อุปฺปชฺชติ. อิทญฺหิ อิธ ฉนฺโทติ ทุพฺพลราคสฺสาธิวจนํ. อชฺโฌสานนฺติ อหํ
มมนฺติ พลวสนฺนิฏฺานํ. ปริคฺคโหติ ตณฺหาทิฏฺิวเสน ปริคฺคหกรณํ. มจฺฉริยนฺติ
ปเรหิ สาธารณภาวสฺส อสหนตา. เตเนวสฺส โปราณา เอวํ วจนตฺถํ วทนฺติ "อิทํ อจฺฉริยํ
มยฺหเมว โหตุ, มา อญฺสฺส อจฺฉริยํ โหตูติ ปวตฺตตฺตา มจฺฉริยนฺติ วุจฺจตี"ติ.
อารกฺขาติ ๑- ทฺวารปิทหนมญฺชูสาโคปนาทิวเสน สุฏฺุ รกฺขนํ. อธิกโรตีติ อธิกรณํ,
การณสฺเสตํ นามํ. อารกฺขาธิกรณนฺติ ภาวนปุํสกํ, อารกฺขาเหตูติ อตฺโถ.
ทณฺฑาทานาทีสุ ปรนิเสธนตฺถํ ๒- ทณฺฑสฺส อาทานํ ทณฺฑาทานํ. เอกโตธาราทิโน
สตฺถสฺส อาทานํ สตฺถาทานํ. กลโหติ กายกลโหปิ วาจากลโหปิ. ปุริโม วิคฺคโห,
ปจฺฉิโม วิวาโท. ๓- ตุวํตุวนฺติ อคารววเสน ตุวํตุวํวจนํ.
                       ๔.  สตฺตาวาสสุตฺตวณฺณนา
     [๒๔] จตุตฺเถ สตฺตาวาสาติ สตฺตานํ อาวาสา, วสนฏฺานานีติ อตฺโถ. ตตฺถ
สุทฺธาวาโสปิ ๔- สตฺตาวาโสว, อสพฺพกาลิกตฺตา ปน น คหิโต. ๕- สุทฺธาวาสา หิ
พุทฺธานํ ขนฺธาวารฏฺานสทิสา, อสงฺเขฺยยฺยกปฺเป พุทฺเธสุ อนิพฺพตฺเตสุ ตํ านํ
สุญฺ โหติ. อิติ อสพฺพกาลิกตฺตา น คหิตา. เสสเมตฺถ วิญฺาณฏฺิตีสุ วุตฺตนเยเนว
เวทิตพฺพํ.
                         ๕. ปญฺาสุตฺตวณฺณนา
     [๒๕] ปญฺจเม ยโตติ ยสฺมึ กาเล. สุปริจิตํ โหตีติ สุฏฺุ อุปจิตํ สุวฑฺฒิตํ
โหติ. กลฺลํ วจนายาติ ยุตฺตํ วตฺตุํ. วีตราคนฺติ วิคตราคํ. อสราคธมฺมนฺติ ราเคน ๖-
น สารชฺชนสภาวํ. ๗- อนาวตฺติธมฺมนฺติ อนาวตฺตนสภาวํ อนิพฺพตฺตารหํ, อปฺปฏิสนฺธิก-
สภาเวเนว นิรุชฺฌนสภาวนฺติ อตฺโถ. อิมสฺมึ สุตฺเต ขีณาสโวว กถิโต.
@เชิงอรรถ:  ฉ.ม. อารกฺโขติ   สี. ปฏิเสธนตฺถํ   สุ.วิ. ๒/๑๐๓/๙๘ ปฏิจฺจสมุปฺปาทวณฺณนา
@ ฉ.ม. สุทฺธาวาสาปิ   ฉ.ม. คหิตา
@ ฉ.ม., อิ. อยํ ปาโ น ทิสฺสติ   สี. สํรชฺชนภาวํ, ฉ.ม. อารชฺชสนภาวํ



เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๓๐๕. http://84000.org/tipitaka/read/attha_page.php?book=16&page=305&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=6870&pagebreak=1 http://84000.org/tipitaka/atthapali/th_line.php?B=16&A=6870&pagebreak=1#p305


จบการแสดงผล หน้าที่ ๓๐๕.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]