บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN Aṅ.A. (manoratha.3) Page 308.
Antoparitāpanakilesānaṃ 1- abhāvena nibbutā. Tiṇṇāti kāme 2- tiṇṇā. Pāragatāti kāmapāraṃ gatā. Tadaṅgenāti tena jhānaṅgena. Ettha kāmā nirujjhantīti ettha paṭhamajjhāne kāmā nirujjhanti. Te cāti ye paṭhamajjhānaṃ samāpajjanti, te kāme nirodhetvā nirodhetvā viharanti nāma. Pañjalikoti paggahitaañjaliko hutvā. Payirupāseyyāti upaṭṭhāpeyya. Iminā upāyena sabbattha attho veditabbo. 3. Nibbānasukhasuttavaṇṇanā [34] Tatiye udāyīti loḷudāyitthero. 3- Etadeva khvetthāti etadeva kho ettha. Kāmasahagatāti kāmanissitā. Samudācarantīti manodvāre sañcaranti. Ābādhāyāti ābādhanāya pīḷanāya. Pariyāyenāti kāraṇena. Evaṃ sabbavāresu attho veditabbo. Imasmiṃ sutte avedayitasukhaṃ nāma kathitaṃ. 4. Gāvīupamāsuttavaṇṇanā [35] Catutthe pabbateyyāti pabbatacārinī. Na suppatiṭṭhitaṃ patiṭṭhāpetvāti yathā suppatiṭṭhitaṃ 4- hoti, evaṃ na patiṭṭhāpetvā. Taṃ nimittanti taṃ paṭhamajjhāna- saṅkhātaṃ nimittaṃ. Na svādhiṭṭhitaṃ adhiṭṭhātīti yathā suṭṭhu adhiṭṭhitaṃ hoti, na evaṃ adhiṭṭhāti. Anabhihiṃsamānoti anasādhento. 5- Mudu cittaṃ hoti kammaniyanti 6- yathā vipassanācittaṃ lokuttaramaggakkhaṇe mudu kammakkhamaṃ kammayoggaṃ hoti, evamassa abhiññāpādakaṃ catutthajjhānacittaṃ mudukaṃ hoti kammaññaṃ. Appamāṇo samādhīti catubrahmavihārasamādhipi maggaphalasamādhipi appamāṇo samādhi nāma, idha pana "appamāṇaṃ appamāṇārammaṇan"ti iminā pariyāyena suppaguṇasamādhi appamāṇa- samādhīti daṭṭhabbo. So appamāṇena samādhinā subhāvitenāti imasmiṃ ṭhāne ayaṃ @Footnote: 1 cha.Ma. attaparitāpanakilesānaṃ 2 cha.Ma. kāmato 3 cha.Ma. lāḷudāyitthero @4 cha.Ma. suppatiṭṭhitā 5 cha.Ma. apothento aviheṭhento 6 cha.Ma. kammaññantiThe Pali Atthakatha in Roman Character Volume 16 Page 308. http://84000.org/tipitaka/read/attha_page.php?book=16&page=308&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=6935&pagebreak=1 http://84000.org/tipitaka/atthapali/rm_line.php?B=16&A=6935&pagebreak=1#p308
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]