บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN Aṅ.A. (manoratha.3) Page 320.
9. Santavimokkhasuttavaṇṇanā [9] Navame santāti ārammaṇasantatāyapi aṅgasantatāyapi santā. Vimokkhāti paccanīkadhammehi vimuttattā ārammaṇe ca nirāsaṅgabhāvena 1- suṭṭhu muttattā evaṃladdhanāmā. Atikkamma rūpeti rūpajjhānāni atikkamitvā pavattā. Sesaṃ sabbattha uttānatthamevāti. Ānisaṃsavaggo paṭhamo. --------------- 2. Nāthavagga 1. Senāsanasuttavaṇṇanā [11] Dutiyassa paṭhame pañcaṅgasamannāgatoti pañcahi guṇaṅgehi samannāgato. Nātidūraṃ hoti nāccāsannanti yañhi atidūraṃ hoti, piṇḍāya caritvā tattha gacchantassa kāyacittadaratho hoti, tato anuppannaṃ vā samādhiṃ uppādetuṃ uppannaṃ vā thiraṃ kātuṃ na sakkoti. Accāsannaṃ bahujanākiṇṇaṃ hoti. Cattāḷīsausabha- matte pana padese tadubhayadosavimuttañca 2- gamanāgamanasampannaṃ nāma hoti. Divā appakiṇṇanti divasabhāge mahājanena anākiṇṇaṃ. 2. Pañcaṅgasuttavaṇṇanā [12] Dutiye kevalīti kevalehi sakalehi guṇehi samannāgato. Vusitavāti vuttha- brahmacariyavāso. Asekkhenāti asekhadhammapariyāpannena lokuttarena. Sīlakkhandhenāti sīlarāsinā. Vimuttikkhandhenāti ettha ṭhapetvā sīlādayo tayo sesā phaladhammā vimutti nāma, vimuttiñāṇadassanaṃ paccavekkhaṇañāṇaṃ, taṃ lokiyameva. @Footnote: 1 ka.,Ma. nirāsaṅkabhāvena 2 cha.Ma. padese vasataṃ dūrāsannadosavimuttaṃ caThe Pali Atthakatha in Roman Character Volume 16 Page 320. http://84000.org/tipitaka/read/attha_page.php?book=16&page=320&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=7190&pagebreak=1 http://84000.org/tipitaka/atthapali/rm_line.php?B=16&A=7190&pagebreak=1#p320
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]