บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN Aṅ.A. (manoratha.3) Page 361.
9. Āghātavatthusuttavaṇṇanā [79] Navame aṭṭhāneti akāraṇe. Sacittakappavattiyañhi "anatthaṃ me acarī"ti- ādikāraṇaṃ bhaveyya, khāṇupāsāṇādīsu vā natthi. Tasmā tattha āghāto aṭṭhāne āghāto nāma. Sesaṃ sabbattha uttānatthamevāti. Ākaṅkhavaggo tatiyo. --------------- 9. 4. Theravagga 1-3. Vāhanasuttādivaṇṇanā [81-83] Catutthassa paṭhame vimariyādikatenāti kilesamariyādaṃ bhinditvā vimariyādaṃ katena. Dutiyaṃ uttānatthameva. tatiye no ca payirupāsitāti na upaṭṭhāti. 4. Byākaraṇasuttavaṇṇanā [84] Catutthe jhāyī samāpattikusaloti jhānehi ca sampanno samāpattiyañca cheko. Iriṇanti tucchabhāvaṃ. Vicinanti guṇavicinataṃ 1- nigguṇabhāvaṃ. Athavā iriṇasaṅkhātaṃ mahāaraññaṃ vicinasaṅkhātaṃ 2- mahāgahanañca āpanno viya hoti. Anayanti avaḍḍhiṃ. Byasananti vināsaṃ. Anayabyasananti avaḍḍhivināsaṃ. Kiṃ nu khoti kena kāraṇena. 5-6. Katthīsuttādivaṇṇanā [85-86] Pañcame katthī hoti vikatthīti katthanasīlo hoti vikatthanasīlo, vivaṭaṃ katvā katheti. 3- Na santatakārīti na satatakārī. Chaṭṭhe adhimānikoti anadhigate adhigatamānena samannāgato. Adhimānasaccoti adhigatamānameva saccato vadati. @Footnote: 1 Sī. pivinanti guṇavivittakaṃ 2 Sī. vipinasaṅkhātaṃ 3 Sī. kathanasīlo vivaṭaṃ katheti, @Ma. kathanasīlo vivaṭaṃ katvā kathetiThe Pali Atthakatha in Roman Character Volume 16 Page 361. http://84000.org/tipitaka/read/attha_page.php?book=16&page=361&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=8122&pagebreak=1 http://84000.org/tipitaka/atthapali/rm_line.php?B=16&A=8122&pagebreak=1#p361
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]