อรรถกถาเล่มที่ ๑๖ ภาษาบาลี อักษรไทย
องฺ.อ. (มโนรถ.๓)
หน้าที่ ๓๖๑.

                       ๙. อาฆาตวตฺถุสุตฺตวณฺณนา
     [๗๙] นวเม อฏฺฐาเนติ อการเณ. สจิตฺตกปฺปวตฺติยญฺหิ "อนตฺถํ เม อจรี"ติ-
อาทิการณํ ภเวยฺย, ขาณุปาสาณาทีสุ วา นตฺถิ. ตสฺมา ตตฺถ อาฆาโต อฏฺฐาเน
อาฆาโต นาม. เสสํ สพฺพตฺถ อุตฺตานตฺถเมวาติ.
                         อากงฺขวคฺโค ตติโย.
                         ---------------
                          ๙. ๔. เถรวคฺค
                       ๑-๓. วาหนสุตฺตาทิวณฺณนา
     [๘๑-๘๓] จตุตฺถสฺส ปฐเม วิมริยาทิกเตนาติ กิเลสมริยาทํ ภินฺทิตฺวา
วิมริยาทํ กเตน. ทุติยํ อุตฺตานตฺถเมว.  ตติเย โน จ ปยิรุปาสิตาติ น อุปฏฺฐาติ.
                        ๔. พฺยากรณสุตฺตวณฺณนา
     [๘๔] จตุตฺเถ ฌายี สมาปตฺติกุสโลติ ฌาเนหิ จ สมฺปนฺโน สมาปตฺติยญฺจ เฉโก.
อิริณนฺติ ตุจฺฉภาวํ. วิจินนฺติ คุณวิจินตํ ๑- นิคฺคุณภาวํ. อถวา อิริณสงฺขาตํ
มหาอรญฺญํ วิจินสงฺขาตํ ๒- มหาคหนญฺจ อาปนฺโน วิย โหติ. อนยนฺติ อวฑฺฒึ.
พฺยสนนฺติ วินาสํ. อนยพฺยสนนฺติ  อวฑฺฒิวินาสํ. กึ นุ โขติ เกน การเณน.
                       ๕-๖. กตฺถีสุตฺตาทิวณฺณนา
     [๘๕-๘๖] ปญฺจเม กตฺถี โหติ วิกตฺถีติ กตฺถนสีโล โหติ วิกตฺถนสีโล,
วิวฏํ กตฺวา กเถติ. ๓- น สนฺตตการีติ น สตตการี. ฉฏฺเฐ อธิมานิโกติ อนธิคเต
อธิคตมาเนน สมนฺนาคโต. อธิมานสจฺโจติ อธิคตมานเมว สจฺจโต วทติ.
@เชิงอรรถ: ๑ สี. ปิวินนฺติ คุณวิวิตฺตกํ  ๒ สี. วิปินสงฺขาตํ  ๓ สี. กถนสีโล วิวฏํ กเถติ,
@ม. กถนสีโล วิวฏํ กตฺวา กเถติ


เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๓๖๑.
http://84000.org/tipitaka/read/attha_page.php?book=16&page=361&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=16&A=8122&modeTY=2&pagebreak=1
http://84000.org/tipitaka/atthapali/th_line.php?B=16&A=8122&modeTY=2&pagebreak=1#p361