ATTHAKATHA Book 16 : PALI ROMAN
An.A. (manoratha.3)
Page 362.

                         7. Nappiyasuttavannana
     [87] Sattame adhikaraniko hotiti adhikaranakarako hoti. Na piyatayati na
piyabhavaya. Na garutayati na garubhavaya. Na samannayati na samanadhammabhavaya.
Na ekibhavayati na  nirantarabhavaya. Dhammanam  na nisamakajatiyoti 1- navannam
lokuttaradhammanam na nisamanasabhavo na upadharanasabhavo. Na patisallanoti na
patisallino. Satheyyaniti sathabhava. Kuteyyaniti kutabhava. Jimheyyaniti na
ujukabhava. Vankeyyaniti vankabhava.
                        8. Akkosakasuttavannana
     [88] Atthame akkosakaparibhasako ariyupavadi sabrahmacarinanti ettha
sabrahmacaripadam akkosakaparibhasakapadehi yojetabbam "akkosako sabrahmacarinam,
paribhasako sabrahmacarinan"ti. Ariyanam pana gune chindissamiti antimavatthuna
upavadanto ariyupavadi nama hoti. Saddhammassa na vodayantiti sikkhattayasankhata
sasanasaddhamma assa vodanam na gacchanti. Rogatankanti ettha rogova kicchajivitabhava-
karanena atankoti veditabbo.
                        9. Kokalikasuttavannana
     [89] Navame kokaliko bhikkhu yena bhagava tenupasankamiti ko ayam kokaliko,
kasma ca upasankami? ayam kira kokalikaratthe kokalikanagare kokalikasetthissa
putto pabbajitva pitara karite vihare pativasati. 2- Culakokalikoti namena, na
pana devadattassa sisso. So hi brahmanaputto mahakokaliko nama. Bhagavati
pana savatthiyam viharante dve aggasavaka pancamattehi bhikkhusatehi saddhim pajapadacarikam
caramana upakatthaya vassupanayikaya vivekavasam vasitukama te bhikkhu
@Footnote: 1 cha.Ma..... jatikoti  2 cha.Ma. vasati


The Pali Atthakatha in Roman Character Volume 16 Page 362.
http://84000.org/tipitaka/read/attha_page.php?book=16&page=362&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=16&A=8143&modeTY=2&pagebreak=1
http://84000.org/tipitaka/atthapali/rm_line.php?B=16&A=8143&modeTY=2&pagebreak=1#p362