บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN An.A. (manoratha.3) Page 373.
Vipassanaya hi kincapi nijjinna, na pana samucchinna. Maggo pana uppajjitva tam samucchindati, na puna vutthatum deti. Tasma puna gahita. Evam sabbapadesu nayo veditabbo. 1- Ettha ca sammavimuttipaccaya catusatthi dhamma bhavanaparipurim gacchanti. Katame catusatthi? sotapattimaggakkhane adhimokkhatthena saddhindriyam paripurati, paggahatthena viriyindriyam, upatthanatthena satindriyam, avikkhepatthena samadhindriyam, dassanatathena pannindriyam paripurati, vijananatthena manindriyam, abhinandanatthena somanassindriyam, pavattasantatiadhipatyatthena jivitindriyam paripurati .pe. Arahattaphalakkhane adhimokkhatthena saddhindriyam paripurati .pe. Pavattasantatiadhipatyatthena jivitindriyam paripuratiti evam catusu maggesu catusu ca phalesu atthattha hutva catusatthi dhamma paripurim gacchanti. 7. Dhovanasuttavannana [107] Sattame dhovananti atthidhovanam. Tasmim hi janapade manussa natake mate na jhapenti, avatam pana khanitva bhumiyam nidahanti. Atha nesam putibhutanam atthini niharitva dhovitva patipatiya ussapetva gandhamaladihi pujetva thapenti. Nakkhatte patte tani atthini gahetva rodanti paridevanti, tato nakkhattam kilanti. 8-10. Tikicchakasuttadivannana [108-110] Atthame virecananti dosaniharanabhesajjam. Virita 2- hotiti nihata hoti panudita. Navame vamananti vamanabhesajjam. 3- Dasame niddhamaniyati niddhamitabba. Niddhantati niddhamita. 11. Pathamaasekhasuttavannana [111] Ekadasame angaparipuranattham sammaditthiyeva sammanananti vutta. Evamete sabbepi arahattaphaladhamma honti, 4- asekhassa pavattatta paccavekkhanananampi asekhanti vuttam. @Footnote: 1 cha.Ma. yojetabbo 2 cha.Ma. viritta 3 cha.Ma. vamanakaranabhesajjam 4 cha.Ma.arahattaphaladhamma @asekhaThe Pali Atthakatha in Roman Character Volume 16 Page 373. http://84000.org/tipitaka/read/attha_page.php?book=16&page=373&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=8391&modeTY=2&pagebreak=1 http://84000.org/tipitaka/atthapali/rm_line.php?B=16&A=8391&modeTY=2&pagebreak=1#p373
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]