บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN An.A. (manoratha.3) Page 396.
"vadeyyatha bhante yena attho"ti pavarenti. Paccayabhiharo nama vatthadini va sappinavanitadini va gahetva bhikkhussa santikam gantva "ganhatha bhante yavatakena attho"ti vadanti. Tatra bhikkhu mattam na janatiti bhikkhu tesu paccayesu pamanam na janati. "dayakassa vaso veditabbo, deyyadhammassa vaso veditabbo, attano thamo veditabbo"ti imina nayena pamanayuttakam aggahetva yam aharanti, tam sabbam ganhatiti attho. Manussa vippatisarino na puna abhiharitva pavarenti. So paccayehi kilamanto kammatthanam gahetva vaddhetum na sakkoti .pe. Paribahiro hoti. Te na atirekapujaya pujeta hotiti so gopalako mahausabhe viya te there bhikkhu imaya avi ceva raho ca mettakayakammadikaya atirekapujaya na pujeti. Tato te thera "ime amhesu garucittikaram na karonti"ti navake bhikkhu dvihi sangahehi na ganhanti, neva dhammasangahena sanganhanti na amisasangahena sanganhanti, civarena va pattena va pattapariyapannena va vasanatthanena va kilamante nappatijagganti, palim va atthakatham va dhammakathabandham va gulhagantham va na sikkhapenti. Navaka theranam santika sabbaso ime dve sangahe alabhamana imasmim sasane patitthatum na sakkonti. Yatha tassa gopalakassa gogano na vaddhati, evam siladihi na vaddhanti. Yatha ca so gopalako pancahi gorasehi, evam pancahi dhammakkhandhehi paribahira honti. Sukkapakkho kanhapakkhe vuttavipallasa- vasena yojetva veditabbo. 1- Sesam imasmim ceva vagge ito ca uttari sabbasuttesu uttanatthamevati. 1- Manorathapuraniya nama anguttaranikayatthakathaya ekadasakanipatavannana nitthita. @Footnote: 1-1 cha.Ma. ime patha na dissantiThe Pali Atthakatha in Roman Character Volume 16 Page 396. http://84000.org/tipitaka/read/attha_page.php?book=16&page=396&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=8869&modeTY=2&pagebreak=1 http://84000.org/tipitaka/atthapali/rm_line.php?B=16&A=8869&modeTY=2&pagebreak=1#p396
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]