อรรถกถาเล่มที่ ๑๖ ภาษาบาลี อักษรไทย
องฺ.อ. (มโนรถ.๓)
หน้าที่ ๔๔.

                          ๑๐. ๕. กกุธวคฺค
                      ๑-๒. สมฺปทาสุตฺตทฺวยวณฺณนา
     [๙๑-๙๒] ปญฺจมสฺส ปฐเม ปญฺจ สมฺปทา มิสฺสิกา กถิตา. ทุติเย ปุริมา
จตสฺโส มิสฺสิกา, ปญฺจมี โลกิกาว.
                        ๓. พฺยากรณสุตฺตวณฺณนา
     [๙๓] ตติเย อญฺญพฺยากรณานีติ อรหตฺตพฺยากรณานิ. มนฺทตฺตาติ มนฺทภาเวน
อญฺญาเณน. โมมูหตฺตาติ อติมูฬฺหภาเวน. อญฺญํ พฺยากโรตีติ อรหตฺตํ ปตฺโตสฺมีติ
กเถติ. อิจฺฉาปกโตติ อิจฺฉาย อภิภูโต. อธิมาเนนาติ อธิคตมาเนน. สมฺมเทวาติ
เหตุนา นเยน การเณเนว.
                     ๔-๕. ผาสุวิหารสุตฺตาทิวณฺณนา
     [๙๔-๙๕] จตุตฺเถ ผาสุวิหาราติ สุขวิหารา. ปญฺจเม อกุปฺปนฺติ อรหตฺตํ.
                         ๖. สุตธรสุตฺตวณฺณนา
     [๙๖] ฉฏฺเฐ อปฺปฏฺโฐติ อปฺปสมารมฺโภ. อปฺปกิจฺโจติ อปฺปกรณีโย. สุภโรติ
สุเขน ภริตพฺโพ สุโปโส. สุสนฺโตโสติ ตีหิ สนฺโตเสหิ สุฏฺฐุ สนฺโตโส.
ชีวิตปริกฺขาเรสูติ ชีวิตสมฺภาเรสุ. อปฺปาหาโรติ มนฺทาหาโร. อโนทริกตฺตนฺติ
น โอทริกภาวํ อมหคฺฆสภาวํ อนุปฺปตฺโต. ๑- อปฺปมิทฺโธติ น พหุนิทฺโท.
สตฺตมฏฺฐมานิ อุตฺตานตฺถานิ.
                         ๙.  สีหสุตฺตวณฺณนา
     [๙๙] นวเม สกฺกจฺจญฺเญว ปหารํ ๒- เทติ โน อสกฺกจฺจนฺติ อนวญฺญาย
@เชิงอรรถ: ๑ ฉ.ม. อนุยุตฺโต  ๒ ฉ.ม. อยํ ปาโฐ น ทิสฺสติ


เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๔๔.
http://84000.org/tipitaka/read/attha_page.php?book=16&page=44&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=16&A=987&modeTY=2&pagebreak=1
http://84000.org/tipitaka/atthapali/th_line.php?B=16&A=987&modeTY=2&pagebreak=1#p44