ATTHAKATHA Book 16 : PALI ROMAN
Aṅ.A. (manoratha.3)
Page 89.

                        4. Bahubhāṇisuttavaṇṇanā
     [214] Catutthe bahubhāṇisminti paññāya aparicchinditvā bahuṃ bhaṇante.
Mantabhāṇisminti mantā vuccati paññā, tāya paricchinditvā bhaṇante.
                       5. Paṭhamaakkhantisuttavaṇṇanā
     [215] Pañcame verabahuloti puggalaverenapi akusalaverenapi bahuvero.
Vajjabahuloti dosabahulo.
                       6. Dutiyaakkhantisuttavaṇṇanā
     [216] Chaṭṭhe luddoti dāruṇo kakkhaḷo. Vippaṭisārīti maṅkubhāvena
samannāgato.
                      7. Paṭhamaapāsādikasuttavaṇṇanā
     [217] Sattame apāsādiketi apāsādikehi kāyakammādīhi samannāgate.
Pāsādiketi pāsādāvahe parisuddhasamācāre. Aṭṭhamanavamāni uttānatthāneva.
                        10. Madhurāsuttavaṇṇanā
     [220] Dasame pañcime bhikkhave ādīnavā madhurāyanti ekaṃ samayaṃ bhagavā
bhikkhusaṃghaparivuto cārikaṃ caramāno madhuraṃ nagaraṃ 1- sampāpuṇitvā antonagaraṃ pavisituṃ
ārabhi. Athekā micchādiṭṭhikā yakkhinī acelā hutvā dve hatthe pasāretvā
jivhaṃ nillāḷetvā dasabalassa purato aṭṭhāsi. Satthā antonagaraṃ apavisitvā
tatova nikkhamitvā vihāraṃ agamāsi. Mahājano khādanīyabhojanīyañceva sakkārasammānañca
ādāya vihāraṃ gantvā buddhappamukhassa bhikkhusaṃghassa dānaṃ adāsi. Satthā tassa
@Footnote: 1 cha.Ma. madhurānagaraṃ


The Pali Atthakatha in Roman Character Volume 16 Page 89.
http://84000.org/tipitaka/read/attha_page.php?book=16&page=89&pages=1&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=16&A=1986&pagebreak=1
http://84000.org/tipitaka/atthapali/rm_line.php?B=16&A=1986&pagebreak=1#p89