Nissaya uppannam. Pamuditassati duvidhena pamojjena pamuditassa. Piti jayatiti
pancavidha piti nibbattati. Kayo passambhatiti namakayo ca karajakayo ca
darathapatippassaddhiya patippassambhati. Sukhanti kayikacetasikasukham. Samadhiyatiti
arammane samma thapitam hoti. Visamagataya pajayati ragadosamohavisamagatesu sattesu.
Samappattoti samam upasamam patto hutva. Sabyapajjhayati sadukkhaya. Dhammasotam
samapannoti vipassanasankhatam dhammasotam samapanno. Buddhanussatim bhavetiti
buddhanussatikammatthanam bruheti vaddheti. Imina nayena sabbattha attho veditabbo.
Iti mahanamo sotapannassa nissayaviharam pucchi. Satthapissa tameva kathesi. Evampi
imasmim sutte sotapannova kathitoti.
Ahuneyyavaggo pathamo.
---------------
2. Saraniyavagga
1. Pathamasaraniyasuttavannana
[11] Dutiyassa pathame saraniyati saritabbayuttaka. Mettam kayakammanti mettena
cittena katabbam kayakammam. Vacikammamanokammesupi eseva nayo. Imani ca pana bhikkhunam
vasena agatani, gihisupi labbhanti. Bhikkhunanhi mettacittena abhisamacarika-
dhammapuranam mettam kayakammam nama. Gihinam cetiyavandanatthaya bodhivandanatthaya
samghanimantanatthaya gamanam, gamam pindaya pavitthe bhikkhu disva paccuggamanam,
pattapatiggahanam, asanapannapanam, anugamananti evamadikam mettam kayakammam nama.
Bhikkhunam mettacittena acarapannattisikkhapanam kammatthanakathanam dhammadesana
tepitakabuddhavacanam mettam vacikammam nama. Gihinam "cetiyavandanaya gacchama, bodhivandanaya
gacchama, dhammassavanam karissama, dipamalapupphapujam karissama, tini sucaritani samadaya
vattissama, salakabhattadini dassama, vassavasikam dassama,
The Pali Atthakatha in Roman Character Volume 16 Page 97.
http://84000.org/tipitaka/read/attha_page.php?book=16&page=97&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=16&A=2153&modeTY=2&pagebreak=1
http://84000.org/tipitaka/atthapali/rm_line.php?B=16&A=2153&modeTY=2&pagebreak=1#p97
