| |
|
|||
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
| |||
| |||
|
ATTHAKATHA Book 2 : PALI ROMAN Vinaya.A. (samanta.2) Page 556.
|
|
Avaṇṇanti bhikkhuniyo dussīlā pāpadhammāti. {1045} Santaṃyeva ādīnavanti
kulassa vā bhikkhunīnaṃ vā santaṃ aguṇaṃ. Sesaṃ uttānameva.
Tisamuṭṭhānaṃ kiriyā saññāvimokkhaṃ sacittakaṃ lokavajjaṃ kāyakammaṃ
vacīkammaṃ akusalacittaṃ dukkhavedananti.
Pañcamaṃ.
{1048} Chaṭṭhe. Ovādāyāti garudhammatthāya. Saṃvāsāyāti
uposathappavāraṇāpucchanatthāya. Ayamettha saṅkhepo. Vitthāro
pana bhikkhunovādakasikkhāpadavaṇṇanāyaṃ vuttoyeva. Eḷakalomasamuṭṭhānaṃ
kiriyā nosaññāvimokkhaṃ acittakaṃ paṇṇattivajjaṃ kāyakammaṃ
ticittaṃ tivedananti.
Chaṭṭhaṃ.
{1053} Sattame. Pariyesitvā na labhatīti bhikkhuniṃ na labhati. Sesaṃ
uttānameva. Imissāpi vitthāro bhikkhunovādake vuttoyeva.
Dhuranikkhepasamuṭṭhānaṃ akiriyā saññāvimokkhaṃ sacittakaṃ lokavajjaṃ
kāyakammaṃ vacīkammaṃ akusalacittaṃ dukkhavedananti.
Sattamaṃ.
{1056} Aṭṭhame. Ekakammantiādīhi uposathappavāraṇāyeva vuttā.
Sesaṃ uttānameva. Imissāpi vitthāro bhikkhunovādake vuttoyeva.
Paṭhamapārājikasamuṭṭhānaṃ akiriyā saññāvimokkhaṃ sacittakaṃ lokavajjaṃ
kāyakammaṃ akusalacittaṃ dukkhavedananti.
Aṭṭhamaṃ.
The Pali Atthakatha in Roman Character Volume 2 Page 556.
http://84000.org/tipitaka/read/attha_page.php?book=2&page=556&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=2&A=11700&pagebreak=1
http://84000.org/tipitaka/atthapali/rm_line.php?B=2&A=11700&pagebreak=1#p556
|
|
|
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]