อรรถกถาเล่มที่ ๒ หน้าที่ ๕๐๗.

อกุสลจิตฺตานิ ทุกฺขเวทนานีติ ฯ อวเสสานิ เตปณฺณาส สิกฺขาปทานิ ปฐมปาราชิกสมุฏฺฐานานีติ ฯ สพฺพเสขิเยสุ อาพาธปจฺจยา อนาปตฺติ ฯ ถูปีกตปิณฺฑปาเต สูปพฺยญฺชนปฏิจฺฉาทเน อุชฺฌานสญฺญมฺหีติ ตีสุ สิกฺขาปเทสุ คิลาโน นตฺถีติ ฯ เสขิยวณฺณนา นิฏฺฐิตา ฯ {๖๕๕} อธิกรณสมเถสุ ฯ สตฺตาติ เตสํ ธมฺมานํ สงฺขฺยาปริจฺเฉโท ฯ จตุพฺพิธํ อธิกรณํ สเมนฺติ วูปสเมนฺตีติ อธิกรณสมถา ฯ เตสํ วิตฺถาโร ขนฺธเก จ ปริวาเร จ วุตฺโต ฯ ตสฺสตฺถํ ตตฺเถว วณฺณยิสฺสาม ฯ เสสํ สพฺพตฺถ อุตฺตานเมวาติ ฯ สมนฺตปาสาทิกาย วินยสํวณฺณนาย ภิกฺขุวิภงฺควณฺณนา นิฏฺฐิตา ฯ อนนฺตราเยน ยถา นิฏฺฐิตา วณฺณนา อยํ อนนฺตราเยน ตถา สนฺตึ ปปฺโปนฺตุ ปาณิโนติ ฯ -------------

เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๕๐๗. http://84000.org/tipitaka/read/attha_page.php?book=2&page=507&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=2&A=10675&modeTY=2&pagebreak=1 http://84000.org/tipitaka/atthapali/th_line.php?B=2&A=10675&modeTY=2&pagebreak=1#p507