อรรถกถาเล่มที่ ๒ หน้าที่ ๕๒๕.

เอวรูเป สวนูปจาเร วิชหิเต น รกฺขติ วิชหิตมตฺเตว อาปตฺติ สงฺฆาทิเสสสฺส ฯ เอกา มคฺคํ คจฺฉนฺตี โอหียติ สอุสฺสาหา เจ หุตฺวา อิทานิ ปาปุณิสฺสามีติ อนุพนฺธติ อนาปตฺติ ฯ สเจ ปุริมาโย อญฺเญน มคฺเคน คจฺฉนฺติ ปกฺกนฺตา นาม โหนฺติ อนาปตฺติเยว ฯ ทฺวินฺนํ คจฺฉนฺตีนํ เอกา อนุพนฺธิตุํ อสกฺโกนฺตี คจฺฉตุ อยนฺติ โอหียติ ฯ อิตราปิ โอหียตุ อยนฺติ คจฺฉติ ฯ ทฺวินฺนํปิ อาปตฺติ ฯ สเจ ปน คจฺฉนฺตีสุ ปุริมาปิ อญฺญํ มคฺคํ คณฺหาติ ปจฺฉิมาปิ อญฺญํ ฯ เอกา เอกิสฺสา ปกฺกนฺตฏฺฐาเน ติฏฺฐติ ทฺวินฺนํปิ อนาปตฺติ ฯ {๖๙๓} ปกฺขสงฺกนฺตา วาติ ติฏฺฐายตนํ ^๑- สงฺกนฺตา ฯ เสสํ อุตฺตานเมว ฯ ปฐมปาราชิกสมุฏฺฐานํ กิริยา สญฺญาวิโมกฺขํ สจิตฺตกํ ปณฺณตฺติวชฺชํ กายกมฺมํ ติจิตฺตํ ติเวทนนฺติ ฯ ตติยสิกฺขาปทํ ฯ {๖๙๔-๖๙๘} จตุตฺเถ ฯ ปาทปิฐํ นาม โธตปาทฏฺฐปนกํ ฯ ปาทกฐลิกํ นาม อโธตปาทฏฺฐปนกํ ฯ อนญฺญาย คณสฺส ฉนฺทนฺติ ตสฺเสว การกคณสฺส ฉนฺทํ อชานิตฺวา ฯ วตฺเต วตฺตนฺตินฺติ เตจตฺตาฬีสปฺปเภเท เนตฺถารวตฺเต วตฺตมานํ ฯ เสสํ อุตฺตานเมว ฯ ธุรนิกฺเขปสมุฏฺฐานํ กายวาจาจิตฺตโต สมุฏฺฐาติ กิริยากิริยํ สญฺญาวิโมกฺขํ สจิตฺตกํ โลกวชฺชํ กายกมฺมํ วจีกมฺมํ อกุสลจิตฺตํ ทุกฺขเวทนนฺติ ฯ จตุตฺถสิกฺขาปทํ ฯ {๗๐๑} ปญฺจเม ฯ เอกโต อวสฺสุเตติ เอตฺถ ภิกฺขุนิยา อวสฺสุตภาโว @เชิงอรรถ: ^๑. ติตฺถายตนํ ภเวยฺย.

เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๕๒๕. http://84000.org/tipitaka/read/attha_page.php?book=2&page=525&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=2&A=11047&modeTY=2&pagebreak=1 http://84000.org/tipitaka/atthapali/th_line.php?B=2&A=11047&modeTY=2&pagebreak=1#p525