อรรถกถาเล่มที่ ๒ หน้าที่ ๕๔๙.

เหตูทาหรณาทีหิวิวิเธหินเยหิวิญฺญาปนา เวทิตพฺพา น ยาจนา ฯ {๙๔๓} จงฺกมเน นิวตฺตนคณนาย อาปตฺติโย เวทิตพฺพา ฯ ติฏฺฐติ วาติ อาทีสุ ปโยคคณนาย ฯ อุทฺทิสติ วาติอาทีสุ ปทาทิคณนาย ฯ เสสํ อุตฺตานเมว ฯ ติสมุฏฺฐานํ กิริยากิริยํ สญฺญาวิโมกฺขํ สจิตฺตกํ โลกวชฺชํ กายกมฺมํ วจีกมฺมํ อกุสลจิตฺตํ ทุกฺขเวทนนฺติ ฯ ตติยํ ฯ {๙๔๙} จตุตฺเถ ฯ สติ อนฺตราเยติ ทสวิเธ อนฺตราเย สติ ฯ ปริเยสิตฺวา น ลภตีติ อญฺญํ อุปฏฺฐายิกํ น ลภติ ฯ คิลานายาติ สยํ คิลานาย ฯ อาปทาสูติ ตถารูเป อุปทฺทเว สติ อนาปตฺติ ฯ เสสํ อุตฺตานเมว ฯ ธุรนิกฺเขปสมุฏฺฐานํ อกิริยา สญฺญาวิโมกฺขํ สจิตฺตกํ โลกวชฺชํ กายกมฺมํ วจีกมฺมํ อกุสลจิตฺตํ ทุกฺขเวทนนฺติ ฯ จตุตฺถํ ฯ {๙๕๒} ปญฺจเม ฯ อญฺญํ อาณาเปตีติ เอตฺถ สเจ นิกฺกฑฺฒาติ อาณตฺตา เอกปฺปโยเคน พหูนิปิ ทฺวารานิ อติกฺกาเมติ เอกา อาปตฺติ ฯ อถ อิมมิมญฺจ ทฺวารํ อติกฺกาเมหีติ เอวํ อาณตฺตา อติกฺกาเมติ ทฺวารคณนาย อาปตฺติโย ฯ เสสํ อุตฺตานเมว ฯ ติสมุฏฺฐานํ กิริยา สญฺญาวิโมกฺขํ สจิตฺตกํ โลกวชฺชํ กายกมฺมํ วจีกมฺมํ อกุสลจิตฺตํ ทุกฺขเวทนนฺติ ฯ ปญฺจมํ ฯ {๙๕๕} ฉฏฺเฐ สพฺพํ อุตฺตานเมว ฯ สมนุภาสนสมุฏฺฐานํ อกิริยา สญฺญาวิโมกฺขํ สจิตฺตกํ โลกวชฺชํ กายกมฺมํ วจีกมฺมํ อกุสลจิตฺตํ

เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๕๔๙. http://84000.org/tipitaka/read/attha_page.php?book=2&page=549&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=2&A=11553&modeTY=2&pagebreak=1 http://84000.org/tipitaka/atthapali/th_line.php?B=2&A=11553&modeTY=2&pagebreak=1#p549