อรรถกถาเล่มที่ ๒ หน้าที่ ๕๖๕.

อุตฺตานเมว ฯ เอฬกสมุฏฺฐานํ กิริยา โนสญฺญาวิโมกฺขํ อจิตฺตกํ ปณฺณตฺติวชฺชํ กายกมฺมํ ติจิตฺตํ ติเวทนนฺติ ฯ ปฐมสิกฺขาปทํ ฯ {๑๑๘๔} ทุติเย ฯ ยาเนน ยายตีติ เอตฺถาปิ โอโรหิตฺวา ปุนปฺปุนํ อภิรุหนฺติยา ปโยคคณนาย อาปตฺติโย ฯ เสสํ ปฐเม วุตฺตนยเมวาติ ฯ ทุติยํ ฯ {๑๑๙๐} ตติเย ฯ วิปฺปกิริยึสูติ มาลาโย วิปฺปกิณฺณา ฯ อิธาปิ โอมุญฺจิตฺวา ธาเรนฺติยา ปโยคคณนาย อาปตฺติโย ฯ สมุฏฺฐานาทีนิ วุตฺตนยาเนว ฯ เกวลํ อิธ อกุสลจิตฺตํ โหตีติ ฯ ตติยํ ฯ {๑๑๙๔} จตุตฺเถ ฯ สีสูปคาทีสุ ยํ ยํ ธาเรติ ตสฺส ตสฺส วเสน วตฺถุคณนาย อาปตฺติโย เวทิตพฺพา ฯ เสสํ ตติเย วุตฺตนยเมว ฯ จตุตฺถํ ฯ {๑๑๙๙} ปญฺจเม ฯ คนฺธวณฺณเกนาติ คนฺเธน วณฺณเกน จ ฯ เสสํ อุตฺตานเมว ฯ สมุฏฺฐานาทีนิ ตติยสทิสาเนวาติ ฯ ปญฺจมํ ฯ {๑๒๐๒} ฉฏฺเฐ สพฺพํ ปญฺจเม วุตฺตสทิสเมวาติ ฯ ฉฏฺฐํ ฯ {๑๒๐๘-๑๒๐๙} สตฺตเม ฯ อุมฺมทฺทาเปติ อาปตฺติ ปาจิตฺติยสฺสาติ เอตฺถ หตฺถํ อโมเจตฺวา อุมฺมชฺชเน เอกาว อาปตฺติ ฯ โมเจตฺวา

เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๕๖๕. http://84000.org/tipitaka/read/attha_page.php?book=2&page=565&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=2&A=11889&modeTY=2&pagebreak=1 http://84000.org/tipitaka/atthapali/th_line.php?B=2&A=11889&modeTY=2&pagebreak=1#p565