อรรถกถาเล่มที่ ๒ หน้าที่ ๑๗๕.

โนสญฺาวิโมกฺขํ อจิตฺตกํ ปณฺณตฺติวชฺชํ กายกมฺมํ วจีกมฺมํ ติจิตฺตํ ติเวทนนฺติ ฯ สมนฺตปาสาทิกาย วินยสํวณฺณนาย ปมกินสิกฺขาปทวณฺณนา นิฏฺิตา ฯ {๔๗๑} เตน สมเยน พุทฺโธ ภควาติ อุทฺโทสิตสิกฺขาปทํ ฯ ตตฺถ สนฺตรุตฺตเรนาติ อนฺตรนฺติ อนฺตรวาสโก วุจฺจติ ฯ อุตฺตรนฺติ อุตฺตราสงฺโค ฯ สห อนฺตเรน อุตฺตรํ สนฺตรุตฺตรํ ฯ เตน สนฺตรุตฺตเรน ฯ สห อนฺตรวาสเกน อุตฺตราสงฺเคนาติ อตฺโถ ฯ กณฺณกิตานีติ เสเทน ผุฏฺโกาเสสุ สญฺชาตกาฬเสตมณฺฑลานิ ฯ อทฺทสา โข อายสฺมา อานนฺโท เสนาสนจาริกํ อาหิณฺฑนฺโตติ เถโร กิร ภควติ ทิวาปฏิสลฺลานตฺถาย คนฺธกุฏึ ปวิฏฺเ ตํ โอกาสํ ลภิตฺวา ทุนฺนิกฺขิตฺตานิ ทารุภณฺฑมตฺติกาภณฺฑานิ ปฏิสาเมนฺโต อสมฺมฏฺฏฺานํ สมฺมชฺชนฺโต คิลาเนหิ ภิกฺขูหิ สทฺธึ ปฏิสนฺถารํ กโรนฺโต เตสํ ภิกฺขูนํ เสนาสนฏฺานํ สมฺปตฺโต อทฺทส ฯ เตน วุตฺตํ อทฺทสา โข อายสฺมา อานนฺโท เสนาสนจาริกํ อาหิณฺฑนฺโตติ ฯ {๔๗๓} อวิปฺปวาสสมฺมตึ ทาตุนฺติ อวิปฺปวาเส สมฺมติ อวิปฺปวาสสมฺมติ ฯ อวิปฺปวาสาย วา สมฺมติ อวิปฺปวาสสมฺมติ ฯ โก ปเนตฺถ อานิสํโส ฯ เยน จีวเรน วิปฺปวสติ ตํ นิสฺสคฺคิยํ น โหติ อาปตฺติญฺจ น อาปชฺชติ ฯ กิตฺตกํ กาลํ ฯ มหาสุมตฺเถโร ตาว อาห ยาว โรโค น วูปสมติ วูปสนฺเต ปน โรเค สีฆํ จีวรฏฺานํ อาคนฺตพฺพนฺติ ฯ มหาปทุมตฺเถโร อาห สีฆํ อาคจฺฉโต

เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๑๗๕. http://84000.org/tipitaka/read/attha_page.php?book=2&page=175&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=2&A=3668&pagebreak=1 http://84000.org/tipitaka/atthapali/th_line.php?B=2&A=3668&pagebreak=1#p175