บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 2 : PALI ROMAN Vinaya.A. (samanta.2) Page 197.
Gehe pana nisiditum va nipajjitum va na labbhatiti kurundiyam vuttam. Annassatthayati ettha attano natakapavarite na kevalam attano atthaya athakho annassatthaya vinnapentassa anapattiti ayameko attho. Ayam pana dutiyo annassati ye annassa natakapavarita te tasseva annassati laddhavoharassa buddharakkhitassa va dhammarakkhitassa va atthaya vinnapentassa anapattiti. Sesam uttanatthameva. Samutthanadisu idampi chassamutthanam kiriya nosannavimokkham acittakam pannattivajjam kayakammam vacikammam ticittam tivedananti. Annatakavinnattisikkhapadavannana nitthita. {522-524} Tena samayenati taduttarisikkhapadam. Tattha abhihatthunti abhiti upasaggo. Haritunti attho. Ganhitunti vuttam hoti. Pavareyyati icchapeyya iccham rucim uppadeyya vadeyya nimanteyyati attho. Abhihatthum pavarentena pana yatha vattabbam tam akaram dassetum yavatakam icchasi tavatakam ganhahiti evamassa padabhajanam vuttam. Athava yatha nekkhammam datthukhematoti ettha disvati attho evamidhapi abhihatthum pavareyyati abhiharitva pavareyyati attho. Tattha kayabhiharo va vacabhiharo vati duvidho abhiharo. Kayena va vatthani abhiharitva padamule thapetva yattakam icchasi tattakam ganhahiti vadanto pavareyya. Vacaya va amhakam dussakotthagaram paripunnam yattakam icchasiThe Pali Atthakatha in Roman Character Volume 2 Page 197. http://84000.org/tipitaka/read/attha_page.php?book=2&page=197&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=4132&modeTY=2&pagebreak=1 http://84000.org/tipitaka/atthapali/rm_line.php?B=2&A=4132&modeTY=2&pagebreak=1#p197
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]