บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 2 : PALI ROMAN Vinaya.A. (samanta.2) Page 219.
Mulabyadhinava gilano hoti soyeva pariharo natthannam sammatikiccanti pussadevatthero aha. Upatissatthero pana so va byadhi patikuppatu anno va sakim gilanoti namam laddham laddhameva puna sammatikiccam natthiti aha. Orena ce channam vassananti orimabhage antoti attho. Padabhajane pana sankhyamattadassanattham unakachabbassaniti vuttam. Anapatti chabbassani karotiti yada chabbassani paripunnani honti tada santhatam karoti. Dutiyapadepi yada atirekachabbassani honti tada karotiti evamattho datthabbo. Na hi so chabbassani karotiti. Sesam uttanatthameva. Samutthanadini kosiyasikkhapadasadisaneva idam pana kiriyakiriyanti. Chabbassasikkhapadavannana nitthita. {565} Tena samayenati nisidanasanthatasikkhapadam. Tattha icchamaham bhikkhaveti bhagava kira tam antotemasam na kinci bodhaneyyasattam addasa tasma evamaha. Evam santepi tantivasena dhammadesana katabba siya. Yasma panassa etadahosi mayi okasam karetva patisalline bhikkhu adhammikam katikavattam karisasanti tam upaseno bhindissati aham tassa pasiditva bhikkhunam dassanam anujanissami tato mam passitukama bahu bhikkhu dhutangani samadiyissanti aham ca tehi ujjhitasanthatapaccaya sikkhapadam pannapessamiti tasma evamaha. Evam bahuni hi ettha anisamsaniti. Sapariso yena bhagava tenupasankamiti thero kira na bhikkhave unadasavassena upasampadetabboThe Pali Atthakatha in Roman Character Volume 2 Page 219. http://84000.org/tipitaka/read/attha_page.php?book=2&page=219&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=4595&modeTY=2&pagebreak=1 http://84000.org/tipitaka/atthapali/rm_line.php?B=2&A=4595&modeTY=2&pagebreak=1#p219
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]