บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 2 : PALI ROMAN Vinaya.A. (samanta.2) Page 446.
Samutthati kiriya sannavimokkham sacittakam lokavajjam kayakammam vacikammam akusalacittam tivedananti. Uyyojanasikkhapadam dutiyam. {279} Tatiyasikkhapade. Sayanighareti sayanaghare. Yato ayyassa bhikkha dinnati yasma bhikkha dinna. Yam agatena laddhabbam tam vo laddham gacchathati adhippayo. Pariyutthitoti ragapariyutthito methunadhippayoti attho. {280} Sabhojaneti saha ubhohi janehi sabhojanam. Tasmim sabhojane. Athava sabhojaneti sabhoge. Ragapariyutthitassa purisassa hi itthi bhoga itthiya ca puriso. Tenevassa padabhajane itthi ceva hoti puriso catiadi vuttam. Mahallake ghareti mahallake sayanighare. Pitthisanghatassa hatthapasam vijahitvati tassa sayanighare gabbhassa yo pitthisanghato tassa hatthapasam vijahitva antosayanassa asanne thane nisidatiti attho. Idisam ca sayanigharam mahacatussaladisu hoti. Pitthivamsam atikkamitvati imina majjhatikkamam dasseti. Tasma yatha va tatha va katassa khuddakassa sayanigharassa majjhatikkame apatti veditabba. Sesamettha uttanameva. Pathamaparajikasamutthanam kiriya sannavimokkham sacittakam lokavajjam kayakammam akusalacittam dvivedananti. Sabhojanasikkhapadam tatiyam. {284} Catutthapancamasikkhapadesu yam vattabbam siya tam sabbam aniyatadvaye vuttanayameva. Yatha ca sabhojanasikkhapadam evametanipiThe Pali Atthakatha in Roman Character Volume 2 Page 446. http://84000.org/tipitaka/read/attha_page.php?book=2&page=446&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=9407&modeTY=2&pagebreak=1 http://84000.org/tipitaka/atthapali/rm_line.php?B=2&A=9407&modeTY=2&pagebreak=1#p446
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]