บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 2 : PALI ROMAN Vinaya.A. (samanta.2) Page 456.
Mahāpaccariyaṃ pana ayamalaṃ lohamalaṃ etaṃ kaṃsanīlaṃ nāmāti vuttaṃ. Palāsanīlanti yo koci nīlavaṇṇo paṇṇakaraso. Dubbaṇṇakaraṇaṃ ādātabbanti etaṃ kappabinduṃ sandhāya vuttaṃ. Na nīlādīhi sakalacīvarassa dubbaṇṇakaraṇaṃ. Tañca pana kappaṃ ādiyantena cīvaraṃ rajitvā catūsu vā koṇesu tīsu vā dvīsu vā ekasmiṃ vā koṇe morassa akkhimaṇḍalamattaṃ vā maṅkuṇapiṭṭhimattaṃ vā ādātabbaṃ. Mahāpaccariyaṃ paṭe vā gaṇṭhiyaṃ vā na vaṭṭatīti vuttaṃ. Mahāaṭṭhakathāyaṃ pana vaṭṭatiyevāti vuttaṃ. Pālikappakaṇṇikakappādayo pana sabbattha paṭisiddhā tasmā ṭhapetvā ekaṃ vaṭṭabinduṃ aññena kenacipi vikārena kappo na kātabbo. {371} Aggaḷeti ādīsu etāni aggaḷādīni kappakatacīvare pacchā āropetvā kappakaraṇakiccaṃ natthi. Sesaṃ uttānameva. Eḷakalomasamuṭṭhānaṃ kiriyākiriyaṃ nosaññāvimokkhaṃ acittakaṃ paṇṇattivajjaṃ kāyakammaṃ ticittaṃ tivedananti. Dubbaṇṇakaraṇasikkhāpadaṃ aṭṭhamaṃ. {374} Navamasikkhāpade. Tassa vā adinnanti cīvarassāmikassa paribhuñjāhi vā vissajjehi vā yathāpaccayaṃ vā karohīti evaṃ vatvā adinnaṃ. Tassa vā avissāsentoti yena 1- vinayakammaṃ kataṃ tassa avissāsena vā. Tena pana dinnena 2- vā tassa vissāsena vā paribhuñjantassa anāpatti. Sesamettha tiṃsakakaṇḍavaṇṇanāyaṃ @Footnote: 1. karaṇavacanaṃ daṭṭhabbaṃ. sampadānavacanaṃ suṭṭhu pākaṭaṃ hoti. 2. dinnaṃ.The Pali Atthakatha in Roman Character Volume 2 Page 456. http://84000.org/tipitaka/read/attha_page.php?book=2&page=456&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=9616&pagebreak=1 http://84000.org/tipitaka/atthapali/rm_line.php?B=2&A=9616&pagebreak=1#p456
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]