บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๒ ภาษาบาลี อักษรไทย วินย.อ. (สมนฺต.๒) หน้าที่ ๔๖๓.
สูปสมฺปนฺโน ฯ โสปิ จ ยาว น ชานาติ ตาวสฺส เนว สคฺคนฺตราโย น โมกฺขนฺตราโย ฯ ตฺวา ปน ปุน อุปสมฺปชฺชิตพฺพํ ฯ เสสํ อุตฺตานเมวาติ ฯ ติสมุฏฺานํ กิริยา สญฺาวิโมกฺขํ สจิตฺตกํ ปณฺณตฺติวชฺชํ กายกมฺมํ วจีกมฺมํ ติจิตฺตํ ติเวทนนฺติ ฯ อูนวีสติวสฺสสิกฺขาปทํ ปญฺจมํ ฯ {๔๐๗} ฉฏฺสิกฺขาปเท ฯ ปฏิยาโลกนฺติ สุริยาโลกสฺส ปฏิมุขํ ปจฺฉิมทิสนฺติ อตฺโถ ฯ กมฺมิกาติ สุงฺกฏฺาเน กมฺมิกา ฯ {๔๐๙} ราชานํ วา เถยฺยํ คจฺฉนฺตีติ ราชานํ วา เถเนตฺวา วญฺเจตฺวา รญฺโ สนฺตกํ กิญฺจิ คเหตฺวา อิทานิ น ตสฺส ทสฺสามาติ คจฺฉนฺติ ฯ {๔๑๑} วิสงฺเกเตนาติ กาลวิสงฺเกเตน ทิวสวิสงฺเกเตน จ คจฺฉโต อนาปตฺติ ฯ มคฺควิสงฺเกเตน ปน อฏวีวิสงฺเกเตน วา อาปตฺติเยว ฯ เสสเมตฺถ ภิกฺขุนีวคฺเค วุตฺตนยตฺตา อุตฺตานเมว ฯ เถยฺยสตฺถสมุฏฺานํ กายจิตฺตโต กายวาจาจิตฺตโต จ สมุฏฺาติ กิริยา สญฺาวิโมกฺขํ สจิตฺตกํ ปณฺณตฺติวชฺชํ กายกมฺมํ วจีกมฺมํ ติจิตฺตํ ติเวทนนฺติ ฯ เถยฺยสตฺถสิกฺขาปทํ ฉฏฺ ฯ {๔๑๒} สตฺตมสิกฺขาปเท ฯ ปธูเปนฺโต นิสีทีติ ปชฺฌายนฺโต อตฺตานํเยว ปริภาสนฺโต นิสีทติ ฯ นายฺโย โส ภิกฺขุ มํ นิปฺปาเทสีติ อยฺโย อยํ ภิกฺขุ มํ น นิกฺขาเมสิ น มํ คเหตฺวา อคมาสีติ อตฺโถ ฯ เสสเมตฺถ ภิกฺขุนิยา สทฺธึ สํวิธานสิกฺขาปเท วุตฺตนเยเนว เวทิตพฺพํ สทฺธึ สมุฏฺานาทีหิ ฯ สํวิธานสิกฺขาปทํ สตฺตมํ ฯเนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๔๖๓. http://84000.org/tipitaka/read/attha_page.php?book=2&page=463&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=2&A=9763&pagebreak=1 http://84000.org/tipitaka/atthapali/th_line.php?B=2&A=9763&pagebreak=1#p463
จบการแสดงผล หน้าที่ ๔๖๓.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]