romanATTHA book 2 Page 466.

Apattiya adassane va apatikamme va papikaya ditthiya apatinissagge va dhammena vinayena satthusasanena ukkhittakassa anulomavattam disva kata osarana. So osaranasankhato anudhammo yassa na kato ayam akatanudhammo nama. Tadisena saddhinti attho.. Tenevassa padabhajane akatanudhammo nama ukkhitto anosaritoti vuttam. Deti va patigganhati vati ekappayogena bahupi dadato va ganhato va ekam pacittiyam. Vicchinditva dentassa ca ganhantassa ca payogagananaya pacittiyani. Sesamettha uttanameva. Tisamutthanam kiriya sannavimokkham sacittakam pannattivajjam kayakammam vacikammam ticittam tivedananti. Ukkhittasambhogasikkhapadam navamam. {428} Dasamasikkhapade. Ditthigatam uppannanti aritthassa viya etassapi ayoniso ummajjantassa uppannam ditthigatam. Nasetuti ettha tividha nasana samvasanasana linganasana dandakammanasanati. Tattha apattiya adassanadisu ukkhepana samvasanasana nama. Dusako nasetabbo mettiyam bhikkhunim nasethati ayam linganasana nama. Ajjatagge te avuso samanuddesa na ceva so bhagava sattha apadisitabboti ayam dandakammanasana nama. Ayam idha adhippeta. Tenaha evanca pana bhikkhave nasetabbo .pe. Cara pire vinassati. Tattha carati gaccha. Pireti para amamaka. Vinassati nassa yattha na te passama tattha gacchati.

The Pali Atthakatha in Roman Character Volume 2 Page 466. http://84000.org/tipitaka/read/attha_page.php?book=2&page=466&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=9827&modeTY=2&pagebreak=1 http://84000.org/tipitaka/atthapali/rm_line.php?B=2&A=9827&modeTY=2&pagebreak=1#p466