romanATTHA book 2 Page 477.

Dassento kayampi kayapatibaddhampi uccarenti. Te paharasamuccita rodantiti te paharaparicita pubbepi laddhappaharatta idani paharam dassantiti mannamana rodantiti attho. Paharassa mucchitatipi sajjhayanti. Tattha paharassa bhitati attho. {457} Uggirati apatti pacittiyassati ettha sace uggiritva viraddho paharam deti. Avassam dharetum asakkontassa paharo sahasa patati nappaharitukamataya dinnatta dukkatam. Tena paharena hatthadisu yankinci bhijjati dukkatameva. Paharitukamassa yena kenaci dandadina paharo va mokkhito attana va satim patilabhitva na paharati dukkatam. Paharantassa kenaci va hattho dharito dukkatam. {458} Mokkhadhippayo talasattikam uggiratiti ettha pubbe vuttesu vatthusu purimanayeneva talasattikam uggirantassa anapatti. Sacepi virajjhitva paharam deti anapattiyeva. Sesam purimasadisameva saddhim samutthanadihiti. Talasattikasikkhapadam pancamam. {459} Chatthasikkhapade. Anuddhamsentiti te hi sayam akinnadosatta evam bhikkhu amhe neva codessanti na saressantiti attaparittanam karonta patikacceva bhikkhu amulakena sanghadisesena codenti. Sesamettha terasakandamhi amulakasikkhapade vuttanayatta uttanameva. Tisamutthanam kiriya sannavimokkham sacittakam lokavajjam kayakammam vacikammam akusalacittam dukkhavedananti. Amulakasikkhapadam chattham.

The Pali Atthakatha in Roman Character Volume 2 Page 477. http://84000.org/tipitaka/read/attha_page.php?book=2&page=477&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=10060&modeTY=2&pagebreak=1 http://84000.org/tipitaka/atthapali/rm_line.php?B=2&A=10060&modeTY=2&pagebreak=1#p477