บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 2 : PALI ROMAN Vinaya.A. (samanta.2) Page 513.
Tattha sambahulapuggalasankhatam ganam va ekapuggalam va tam va kammam na adiyati na anuvattati na tattha adaram janetiti attho. Samanasamvasaka bhikkhu vuccanti sahaya so tehi saddhim natthiti ettha ekakammam ekuddeso samasikkhatati ayam tava samvaso. Samano samvaso etesanti samanasamvasaka. Evarupa bhikkhu bhikkhussa tasmim samvase saha ayanabhavena sahayati vuccanti. Idani yena samvasena te samanasamvasakati vutta so samvaso tassa ukkhittakassa tehi saddhim natthi yehi ca saddhim tassa so samvaso natthi na tena te bhikkhu attano sahaya kata honti. Tasma vuttam samanasamvasaka bhikkhu vuccanti sahaya so tehi saddhim natthi tena vuccati akatasahayoti. Sesam sanghabhedasikkhapadadisu vuttanayatta uttanameva. Samanubhasanasamutthanam kayavacacittato samutthati akiriya sannavimokkham sacittakam lokavajjam kayakammam vacikammam akusalacittam dukkhavedananti. Tatiyaparajikam. {675} Catutthe. Avassutati lokassadamittasanthavavasena kayasamsaggaragena avassuta. Dutiyapadepi eseva nayo. Purisapuggalassa hatthaggahanam vatiadisu pana yam purisapuggalena hatthe gahanam katam tam purisapuggalassa hatthaggahananti vuttam. Eseva nayo sanghatikannaggahanepi. Hatthaggahananti ettha ca hatthaggahananca annampi aparajikakkhette gahananca ekajjham katva hatthaggahanam vuttantiThe Pali Atthakatha in Roman Character Volume 2 Page 513. http://84000.org/tipitaka/read/attha_page.php?book=2&page=513&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=10795&modeTY=2&pagebreak=1 http://84000.org/tipitaka/atthapali/rm_line.php?B=2&A=10795&modeTY=2&pagebreak=1#p513
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]