อรรถกถาเล่มที่ ๒ หน้าที่ ๕๓๒.

นานากรณํ ฯ เสสํ ปุพฺพสทิสเมวาติ ฯ ทสมสิกฺขาปทํ ฯ {๗๘๔} เอกาทสเม ฯ ครุปาปุรณนฺติ สีตกาเล ปาปุรณํ ฯ จตุกฺกํสปรมนฺติ เอตฺถ กํโส นาม จตุกฺกหาปณิโก โหติ ตสฺมา ปทภาชเน โสฬสกหาปณคฺฆนกนฺติ วุตฺตํ ฯ เอกาทสมสิกฺขาปทํ ฯ {๗๘๙} ทฺวาทสเม ฯ ลหุปาปุรณนฺติ อุณฺหกาเล ปาปุรณํ ฯ เสสํ สิกฺขาปททฺวเยปิ อุตฺตานเมว ฯ ฉสฺสมุฏฺฐานํ กิริยา โนสญฺญาวิโมกฺขํ อจิตฺตกํ ปณฺณตฺติวชฺชํ กายกมฺมํ วจีกมฺมํ ติจิตฺตํ ติเวทนนฺติ ฯ ทฺวาทสมสิกฺขาปทํ ฯ อุทฺทิฏฺฐา โข อยฺยาโย ตึส นิสฺสคฺคิยา ปาจิตฺติยา ธมฺมาติ เอตฺถ มหาวิภงฺเค จีวรวคฺคโต โธวนญฺจ ปฏิคฺคหณญฺจาติ เทฺว สิกฺขาปทานิ อปเนตฺวา อกาลจีวรํ กาลจีวรนฺติ อธิฏฺฐหิตฺวา ภาชิตสิกฺขาปเทน จ ปริวตฺเตตฺวา อจฺฉินฺนจีวเรน จ ปฐมวคฺโค ปูเรตพฺโพ ฯ ปุน เอฬกโลมวคฺคสฺส อาทิโต สตฺต สิกฺขาปทานิ อปเนตฺวา สตฺต อญฺญทตฺถิกานิ ปกฺขิปิตฺวา ทุติยวคฺโค ปูเรตพฺโพ ฯ ตติยวคฺคโต ปฐมปตฺตํ วสฺสิกสาฏิกํ อารญฺญกสิกฺขาปทนฺติ อิมานิ ตีณิ อปเนตฺวา ปตฺตสนฺนิจยครุปาปุรณลหุปาปุรณสิกฺขาปเทหิ ตติยวคฺโค ปูเรตพฺโพ ฯ อิติ ภิกฺขุนีนํ ทฺวาทส สิกฺขาปทานิ เอกโต ปญฺญตฺตานิ อฏฺฐารส อุภโต ปญฺญตฺตานีติ เอวํ สพฺเพปิ ปาฏิโมกฺขุทฺเทสมคฺเคน อุทฺทิฏฺฐา โข อยฺยาโย ตึส นิสฺสคฺคิยา

เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๕๓๒. http://84000.org/tipitaka/read/attha_page.php?book=2&page=532&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=2&A=11197&modeTY=2&pagebreak=1 http://84000.org/tipitaka/atthapali/th_line.php?B=2&A=11197&modeTY=2&pagebreak=1#p532