romanATTHA book 2 Page 533.

Pacittiya dhammati evamettha attho datthabbo. Sesam vuttanayamevati. Samantapasadikaya vinayasamvannanaya bhikkhunivibhange timsaka- kandavannana nitthita. -------------- Khuddakakandavannana timsakanantaram dhamma chassatthisatasangaha sangita ye ayam dani hoti tesampi vannana. {793} Tattha lasunavaggassa tava pathamasikkhapade. Dve tayo bhandiketi dve va tayo va pottalake. Sampunnaminjanametam adhivacanam. Na mattam janitvati pamanam ajanitva khettapalassa varentassa varentassa bahulasunam aharapesi. Annataram hamsayoninti suvannahamsayonim. So tasam ekekanti so hamso jatissaro ahosi. Atha pubbasinehena agantva tasam ekekam pattam deti. Tam tapana talanachedanakkhamam suvannameva hoti. {795} Magadhikanti magadhesu jatam. Magadharatthe jatam lasunameva hi idha lasunanti adhippetam. Tampi bhandikalasunameva na ekadvitiminjakam. Kurundiyam pana jatidesam avatva magadhikam nama bhandikalasunanti vuttam. Ajjhohare ajjhohareti ettha sace dve tayo bhandike ekatoyeva sangharitva ajjhoharati ekam pacittiyam.

The Pali Atthakatha in Roman Character Volume 2 Page 533. http://84000.org/tipitaka/read/attha_page.php?book=2&page=533&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=11218&modeTY=2&pagebreak=1 http://84000.org/tipitaka/atthapali/rm_line.php?B=2&A=11218&modeTY=2&pagebreak=1#p533